Bakı/21.09.16/Turan: Azərbaycan Dövlət Neft Fondunun təşəbbüsü və dəstəyilə Bakıda suveren və pensiya fondlarının birgə investisiyası (CROSAPF) üzrə üçüncü illik ikigünlük “dəyirmi masa” keçirilib.
Tədbirdə 60 təşkilatdan 100 nümayəndə iştirak edib. İştirakçılar investorlar arasında əməkdaşlığın genişləndirilməsi məqsədilə maliyyə bazarlarında qlobal imkanları və problemləri müzakirə ediblər.
Həmçinin makroiqtisadi və siyasi mühit, investisiyaların uzunmüddətli idarə edilməsi, əməkdaşlıq tendensiyası və birgə investiyalaşdırma, inkişaf etməkdə olan bazarlara çıxış imkanları, “Bir kəmər, bir yol” layihəsinin maliyyələşdirilməsi müzakirə olunub.
Növbəti sammitin 2018-ci ildə Mərakeşdə keçirilməsi qərara alınıb.17D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz