Azərbaycan 2021-ci ilə qədər informasiya cəmiyyətinin inkişafına dair Milli Strategiyanı həyata keçirir
Bakı/21.09.16/TURAN: “Azərbaycan Respublikasında informasiya cəmiyyətinin inkişafına dair Milli Strategiyanın həyata keçirilməsi üzrə 2016–2020-ci illər üçün
Dövlət Proqramı” təsdiq edilib.
Ölkə prezidentinin sərəncamında (http://azertag.az/store/files/20.09.16%20-%20PROQRAM/SARANCAM-AZARBAYCAN%20RESPUBLIKASINDA%20INFORMASIYA%20CAMIYYATININ%20INKISHAFINA%20DAIR.pdf) deyilir ki, bəyan edilən məqsədlər sırasında İKT infrastrukturunun cari və gələcək tələbatı nəzərə alınmaqla
inkişaf etdirilməsi, onun əsasında keyfiyyətli xidmətlər göstərilməsi və onlara
çıxış imkanlarının təmin olunması; ölkənin tranzit informasiya dəhlizi imkanlarının genişləndirilməsi, beynəlxalq internet magistralların alternativ və yüksəksürətli birləşmələrin təmin edilməsi var.
Prioritetlər rəqabətqabiliyyətli və ixracyönlü yüksək texnologiyalar sektorunun
inkişaf etdirilməsi, elmtutumlu və yüksək texnoloji məhsulların istehsalı və
onların dünya bazarına çıxışına şərait yaradılması, yerli və xarici investisiyaların
stimullaşdırılması, qabaqcıl təcrübənin və yeni texnologiyaların idxalı və
texnoloji transferin təmin olunması və s-dir.
Dövlət Proqramında nəzərdə tutulmuş tədbirlərin icrasının əlaqələndirilməsi Rabitə və Yüksək Texnologiyalar Nazirliyinə həvalə edilir. --17D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz