TANAP layihəsinin reallaşması Rusiyanın Aİ-də payını 25-28%-dək azalda bilər

Transanadolu qaz kəməri layihəsinin (TANAP) reallaşması və təbii maye qazın spot tədarükünün artırılması  Aİ bazarında Rusiyanın payını 25-28%-dək azalda bilər, - Qaz İxracatçıları Ölkələri Forumunun baş katibi Huseyn Adeli “İzvestisiya” qəzetinə müsahibəsində bildirib.

“Hazırda Aİ-nin istehlak etdiyi qazın üçdə bir hissəsi Rusiyadan daxil olur.  TANAP-ın işə düşməsi və spot nəqllərin artması ilə onun payı 25–28%-ə enəcək”, - Adeli qeyd edib.

Baş katib  hesab edir ki, Azərbaycandan Avropaya qaz nəqlinə 2022-2025-ci illərdən tez başlanılmayacaq, İran qazının nəqlinə isə daha gec başlanılacaq.

“Ümumilikdə, onlar Avropada indiki istehlakın bir neçə faizini tuta bilər.  Bunu təkcə QİÖF-də deyil, bütün Avropada başa düşürlər. Biz Rusiyanın Aİ bazarında dominant yer tutacağı barədə mövqeyi dəstəkləyirk”, - o vurğulayıb.

İran təbii maye qaza ümid bəsləmək istəyir, çünki qazı Asiyaya Ərəbistan  dənizi vasitəsilə nəql etmək ona sərfəlidir. İran qaz kəmərinin Türkiyə  vasutəsilə nəqli layihəsi uzunmüddətli perspektivdir, hələlik onun üçün zəmin yoxdur”, - Adeli qeyd edib.

TANAP layihəsi 2019-cu ilədək Azərbaycanın “Şahdəniz” qaz yatağından Gürcüstan, Türkiyə, Yunanıstan, Albaniyadan keçməklə İtaliyanın cənubuna boru kəmərinin inşasını nəzərdə tutur.

Boru kəmərilə Türkiyəyə 6 milyard kubmetr qaz, Avropaya 10 milyard kubmetr qaz nəqli planlaşdırılır. Gələcəkdə qaz kəmərinin gücü 31 milyard kubmetrədək artırıla bilər. Qaz kəmərinin inşasına 2015-ci ilin martında başlanılıb.0—