![Türkdilli ölkələrin xüsusi xidmət orqanlarının konfransı keçirilib](https://turan.az/resized/media/2015/main/100900132380-750-500-resize.webp)
Türkdilli ölkələrin xüsusi xidmət orqanlarının konfransı keçirilib
Cümə axşamı Bakıda Türkiyə, Qazaxıstan və Qırğızıstan nümayəndə heyətlərinin iştirakı ilə türkdilli ölkələrin təhlükəsizlik orqanları rəhbərlərinin XVİİİ konfransı keçirilib.
Terrorizm və ekstremizmə qarşı mübarizədə əməkdaşlığın möhkəmləndirilməsi və genişləndirilməsi məqsədilə tədbirdə Rusiya, Ukrayna və Gürcüstanın müvafiq qurumlarının nümayəndələri müşahidəçi qismində iştirak ediblər.
İclası Prezident Administrasiyasının rəhbəri Ramiz Mehdiyev açıb. O, tədbir iştirakçılarına uğurlar arzulayıb.
Azərbaycan MTN rəhbəri Eldar Mahmudov konfrans iştirakçısı olan ölkələr üçün təhdidedici amillərə vahid mövqe və yanaşma sərgiləməyin vacibliyini qeyd edib. Bu amillərə terrorizm, dini ekstremizm və nəzarətsiz ərazilər aiddir.
O, bu cür təhlükələr sırasında regionda Azərbaycana qarşı erməni təcazüvünü, “İslam dövləti” terror təşkilatını göstərib.
E.Mahmudov türkdilli ölkələr arasında təcrübə və informasiya mübadiləsinin gələcəkdə genişləndirilməsinin vacibliyini vurğulayıb.
Türkiyə Milli Kəşfiyyat Təşkilatının rəhbəri Hakan Fidan terrorizmə və digər transmilli cinayətkarlığa qarşı mübarizədə əməkdaşlıq perspektivləri haqda danışıb.
Qazaxıstan Xarici Kəşfiyyat Xidmətinin direktoru Qabit Baycanov radikalizm və dini ekstremizə qarşı tədbirlərə toxunub.
Tədbirdə digər iştirakçıların çıxışları və multimedia təqdimatları maraqla qarşılanıb, transmilli mütəşəkkil cinayətə qarşı mübarizədə əməkdaşlığın canlandırılması və təkmilləşdirilməsi yolları müzakirə edilib.
Sonra konfrans iştirakçıları yekun sənədi qəbul ediblər. Növbəti iclas gələn il Qazaxıstanda keçiriləcək.
Dövlət başçısı İlham Əliyev konfrans iştirakçılarını qəbul edib.-02D-
-
- İqtisadiyyat
- 9 Oktyabr 2015 16:20
-
- Cəmiyyət
- 9 Oktyabr 2015 16:42
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz