Nazirlər Kabinetinin qərarı ilə Tarif Şurasının Katibliyinin ştat sayı 30-dan 33 nəfərə artırılıb. Bu addımın səbəbi açıqlanmır.
TŞ Katibliyi 2006-cı ilin martından fəaliyyət göstərir. Əvvəlcə əməkdaşların ştatı 25 nəfər müəyyən edilib. 2015-ci ildə daha 5 nəfər əlavə edilib. Bundan başqa, TŞ rəhbərliyinin 2 xidməti avtomobili var.
2014-cü ildə TŞ-nin fəaliyyətinin təmin edilməsi məqsədilə dövlət büdcəsindən 333,6 min, 2015-ci ildə 415,1 min manat ayrılıb. Bu il Katibliyin saxlanma xərcləri 13% (54 min manat) artırılıb.
TŞ tərkibinə hökumət üzvləri daxildir. Onlar dövlət tərəfindən tənzimlənən mal və xidmət qiymətlərini müəyyən edir. İl ərzində TŞ iqtisadiyyat nazirinin sədrliyi ilə 3-4 dəfə iclas keçirir. 08D
İqtisadiyyat
-
Azərbaycan 2024-cü ildə ərzaq ticarətində tarixi bir mərhələyə imza ataraq, ərzaq idxalının misli görünməmiş səviyyəyə çatdığını qeydə alıb. Dövlət Gömrük Komitəsinin məlumatına əsasən, ilin ilk on bir ayı ərzində ərzaq idxalı 2023-cü ilin eyni dövrü ilə müqayisədə 10,8% artaraq 2,19 milyard ABŞ dollarına çatıb. Bu rəqəm, keçən ilin 1,98 milyard dollarlıq göstəricisindən 213,9 milyon dollar çoxdur və daxili tələbatın kəskin artımını göstərir.
-
Bu ilin dekabr ayında Azərbaycan Respublikasının Dövlət Neft Fondu (SOFAZ) 1999-cu ildə yaradıldığından bəri ölkə iqtisadiyyatının formalaşmasında mühüm rolunu vurğulayaraq 25 illik yubileyini qeyd etdi. Bu mühüm hadisə 24 dekabr tarixində keçirilən "Milli Sərvətdən Davamlı İnkişafadək" adlı tədbirdə SOFAZ-ın əməkdaşları və əsas tərəfdaşların iştirakı ilə anıldı.
-
Azərbaycan Mərkəzi Bankı (AMB) 3 qəpik nominalında yeni sikkələr təqdim edib. Daha əvvəl 1, 5, 10, 20 və 50 qəpik nominalında metal sikkələr də yenilənmişdi. Bankın mətbuat xidmətinin məlumatına görə, yeni sikkənin arxa tərəfində Azərbaycan Respublikasının gerbi və sikkənin zərb edildiyi il təsvir olunub, digər dizayn elementləri və texniki parametrlər isə dəyişməz qalıb. Yeni 3 qəpik sikkələr mövcud pullarla paralel şəkildə dövriyyədə olacaq.
-
Azərbaycan Prezidenti İlham Əliyev bazar ertəsi günü sosial rifahın yaxşılaşdırılmasına yönəlmiş sərəncam imzalayıb. Sərəncama əsasən, ölkədə minimum aylıq əməkhaqqı 1 yanvar 2025-ci ildən etibarən 400 manat (235 ABŞ dolları) müəyyən edilib.
Rəy yaz