Bu ilin I yarısında təkrar səhm bazarının həcmi 16,2 mln manat olub. Bu, ötən ilin eyni dövründəkindən 85% azdır. Təkrar səhm bazarının dövriyyəsinin yalnız 13%-i birja əqdlərinin payına düşüb.
Qiymətli Kağızlar üzrə Dövlət Komitəsi qiymətli kağızlar bazarının vəziyyəti barədə hesabat hazırlayıb. Ona əsasən, səhmlər üzrə qeyri-şəffaf əməliyyatlar birja əqdlərindən yüksəkdir. Hərçənd Dünya Bankı «Kapital bazarının modernləşməsi» layihəsi çərçivəsində 2012-2013-cü illərdə birjadankənar əqdlərin azalması üçün $302,6 min kredit ayırıb. Görünür, QKDK və bazarın peşəkar iştirakçıları notariuslarla işləmək istəyən investorlarla bacarmır.
QKDK-nın məlumatına görə, 2014-cü ilin yanvar-iyununda birjadankənar əqd dövriyyəsi 14,1 mln manat olub. Birjadan kənar 285 əqd bağlanıb. Bu, ötən ilin eyni dövründəkindən 10,8% çoxdur.
Normativ tələb olsa da, birjadankənar əqdlər barədə informasiya 2012-ci ilin martından açıqlanmır. Bir çox hallarda bu əqdlərin iştirakçılarından biri insayder (10%-dən artıq səhm sahibi, Müşahidə Şurası və ya İH üzvü) olur.
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz