Azərbaycanda gömrük sərhəd buraxılış məntəqələrində sadələşdirilmiş qaydada gömrük rəsmiləşdirməsindən keçməli olan malların siyahısı təsdiq edilib.
Nazirlər Kabinetinin 12 dekabr tarixli №308 qərarına əsasən, təbii fəlakətlər və digər fövqəladə hallar zamanı zəruri olan mallar və nəqliyyat vasitələri, canlı heyvanlar, tez xarab olan mallar, radioaktiv maddələr, kütləvi informasiya məqsədləri üçün materiallar sadələşdirilmiş qaydada gömrük rəsmiləşdiriləcək. Bu malların gömrük sənədləşdirilməsi elektron növbəlilikdən kənar aparılır.
Gömrük sənədləşdirilməsi zamanı səlahiyyəti olan şəxs mal müşayiət sənədləri, malların siyahıları, eləcə də qanunvericiliklə müəyyən olunmuş hallarda müvafiq dövlət orqanlarının icazə sənədlərini təqdim edir. Bu məlumatlar yoxlayan tərəfdən təyin olunan gömrük orqanına tam gömrük rəsmiləşdirilməsi üçün göndərilir (yazılı və elektron formatda). Malların bəyannaməyə salınması üçün tam gömrük rəsmiləşdirilməsi onlara görə müvəkkil edilmiş şəxsin yazılı müraciəti əsasında həyata keçirilir. Mal onu alana yalnız gömrük nəzarəti və rəsmiləşdirilməsi, o cümlədən gömrük ödəmələri həyata keçiriləndən sonra təqdim edilir. 08D.
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz