Tezliklə SOCAR-ın Azərbaycandan kənarda ilk hasilat layihəsi olacaq

Azərbaycan və İraq birgə layihələrin reallaşdırılması haqda razılığa gəliblər, deyə Energetika Nazirliyinin saytı məlumat verir..

Qarşılıqlı anlaşma memorandumu iyunun 2-də Bakıda Energetika Nazirliyi ilə İraq Milli Neft Şirkəti arasında imzalanıb. Energetika naziri Natiq Əliyev İraqın neft naziri Adil Abdulmahdi ilə görüşündə deyib ki, hər iki ölkənin malik olduğu zəngin neft resurslarının Azərbaycan və İraq arasında əməkdaşlığın daha da genişlənməsində yeni üfüqlər açacaq. Bildirilib ki, İraqda neft-qaz layihələri üzrə Anlaşma Memorandumunun imzalanması bu istiqamətdə gələcək əməkdaşlığın əsasını təşkil edəcək.

Əliyev deyib ki, Azərbaycan və İraq arasındakı münasibətlər təkcə enerji sahəsi ilə məhdudlaşmamalı, əlaqələr müxtəlif sahələrdə daha da genişlənməlidir. İmzalanan sənəd bu baxımdan da yeni imkanlar yaradır.

Qeyd edək ki, İraqın neft naziri Adil Abdulmahdi dünən Caspian Oil and Gas-2015 sərgisində ən mühüm VİP qonaq olub (başqa xarici energetika naziri olmayıb).

Turan-ın məlumatına görə, SOCAR nümayəndə heyəti bu yaxınlarda Bağdadda olub və İraq tərəfi neft yataqlarının işlənməsi imkanını təklif edib. Hazırda SOCAR ekspertləri bu layihələrdə iştirak variantlarının müzakirə edirlər.–12D--