İyulda Bakıda və rayonlarda təkrar mənzil bazarında (TMB) qiymətlər 1,8%, ötən ilin eyni dövrü ilə müqayisədə 32% azalıb.
Hazırda orta qiymət indeksi 1 kv m üçün $1 min 280-dır. Əsasən Yasamal, Nərimanov, Nizami, Nəsimi və Xətai rayonlarında 1-2 otaqlı Minsk və Leninqrad layihəli evlərə üstünlük verilir. Bu seqmentdə qiymətlər orta təmirli evlərin 1 kv m-i $700-800-dır. Orta səviyyədən aşağı qiymətli mənzillərin xüsusi çəkisi 55 %-dir.
Qiymətlərə təsi edən əsas amil təkliflərdir. Adamlar manatın ikinci devalvasiyasından qorxduğu üçün mənzilləri satıb daha ucuzunu almaq, əlində dollar olmasını istəyir.
İyulda 4-5 otaqlı mənzillərə, xüsusən 5 otaqlılara tələbat azalıb, 1,2,3 otaqlılara tələbat artıb. 1 və 2 otaqlı mənzillərin qiyməti 2% artıb. 1 otaqlı mənzillər orta hesabla $65 min, 2 otaqlı mənzillər $102 mindir və bu iqtisadi vəziyyətə uyğun deyil.
TMB-da qiymət azalmasını ekspertlər təklif artımı, ipoteka kreditlərinin aktivləşməsi ilə izah edirlər.
Araşdırmalar göstərir ki, TMB-da ilkin bazardan fərqli olaraq bazar mexanizmləri işləyir. Proqnozlara əsasən, avqustda TMB-da aktivlik artacaq. Qiymətlər sabit qalacaq, artım tendensiyası olacaq. --17D—
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz