Martın 2-də Tovuz rayonunda Gömrük Terminal Kompleksinin təməli qoyulub. Yeni terminal Azərbaycan-Gürcüstan dövlət sərhədində logistik mərkəz olacaq və regional ticarətin inkişafına kömək edəcək, deyə layihənin əlaqələndiricisi BMT İnkişaf Proqramının (BMT İP) Azərbaycan ofisi bildirir.
BMT İP Rezident Nümayədəsi Qulam İshaqzai bu layihəni BMT İP, Avropa İttifaqı Nümayəndəliyi və Azərbaycan və Gürcüstan Hökumətləri arasında uğurlu tərəfdaşlığin nəticəsi kimi qiymətləndirib.
«Bu layihə Qırmızı Körpü Sərhəd Keçid Məntəsində insan və malların qanuni daşınması və keçməsi prosesini asanlaşdırmağa yardım edəcək. Bu layihə regionda ticarətin gücləndirilməsi və Azərbaycan iqtisadiyyatının şaxələnməsinin dəstəklənməsi kimi Avropa İttifaqı məqsədlərinin bir hissəsidir", deyə Aİ-nin Azərbaycandakı səfiri Malena Mard qeyd edib.
Avropa İttifaqı “Qırmızı Körpu Sərhəd Keçid Məntəqəsinin İnkişafına Dəstək” layihəsinə 2 mln 128 min avro məbləğində maliyyə dəstəyi göstərib. 08D
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz