İyulun 4-də prezident İlham Əliyev toxumçuluğun inkişafı məqsədilə Kənd Təsərrüfatı Nazirliyinə 12 mln. manatın ayrılması barədə sərəncam imzalayıb.
Bu vəsait müxtəlif bitki sortlarının toxumlarının istehsalı və saxlanılması üzrə ixtisaslaşmış müəssisələrin tikintisinə, maşın və avadanlıqla təmin olunmasına yönələcək.
Qərar ölkədə yüksək keyfiyyətli məhsuldar bitki sortlarının toxumlarına olan ehtiyacı ödəmək, toxumluq məhsulların istehsalını artırmaq, bitki sortlarının toxumlarının təmizlənməsini, qablaşdırılmasını, etiketləşdirilməsini və saxlanılmasını təmin etmək məqsədilə qəbul edilib.
Xatırladaq ki, 2015-ci ilin martında Kənd Təsərrüfatı Nazirliyi yanında Dövlət Toxum Fondu yaradılıb. Fondun fəaliyyətinin təminatı üçün dövlət büdcəsindən 10 mln. manat ayrılıb.
Hökumətin qərarını Turan-a şərh edən müstəqil ekspert Vafid Məhərrəmov deyib ki, toxumçuluğun inkişafının təmin edilməsində dövlətin yeganə rolu ölkənin iqlim şəraitinə cavab verən keyfiyyətli bitki sortlarının seleksiyası, genetika sahəsində elmi işlərin dəstəklənməsindən ibarətdir. Azərbaycanda hökumət Kənd Təsərrüfatı Nazirliyinin timsalında faktiki olaraq təsərrüfat fəaliyyəti ilə məşğul olur.
İqtisadçı hesab edir ki, özəl sektora da maliyyə dəstəyi lazımdır ki, bu da bitki toxumlarının istehsalını və saxlanmasını öz üzərinə götürməlidir.08D
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz