![Tullantıların yandırılması zavodu gücünün 60%-i ilə işləyir](https://turan.az/resized/media/2014/main/032700073491-750-500-resize.webp)
- İqtisadiyyat
- 27 Mart 2014, 15:26
- 151
Tullantıların yandırılması zavodu gücünün 60%-i ilə işləyir
2013-cü ildə Tullantıların yandırılması zavodunun layihə gücünün 60%-i ilə işləyib. Dövlət elektrik şəbəkəsinə 111,3 mln kVt/saat elektrik enerjisi verilib, “Təmiz Şəhər” ASC bildirir.
2013-cü ildə SC yerləşdirmə və zərərsizləşdirmə üçün 568 336 ton məişət tullantısı qəbul edib. Əsas tədarükçü Bakı Mənzil-kommunal təsərrüfat Birliyi (156,7 min ton) və “Kommunal Məişet Xidməti” MMC-dir (296,7 min ton).
Bərk Məişət Tullantılarının Yandırılması Zavodu 2012-ci ildə istismara verilib. Gücü 0,5 mln ton olan zavod 386,7 min ton tullantı qəbul edib. 350,6 min ton tullantı yanmağa göndərilib, 134,1 mln kVt/saat elektrik enerjisi istehsal edilib. Bunun 22,8 mln kVt/saatı daxili ehtiyaclara sərf edilib. Zavodun sutkalıq orta faydalı gücü 2013-cü ilin dekabrında 32 mVt olub.
“Təmiz Şəhər” ASC 2013-cü ilin maliyyə gsötəricilərini açıqlamır..
Zavodun tikintisi barədə qərar 2006-cı ilin sentyabrında qəbul edilib. Layihə-tikinti işlərinə 346 mln avro yönəldilib. İqtisadi İnkişaf Nazirliyi ilə tenderin qalibi Fransanın “Constructions Industrielles de la Méditerranée S.A.” (“CNİM” S.A.) şirkəti ilə “açar-təhvili” (“turn-key”) tipli müqavilə bağlanılıb.
Fransa şirkəti zavodu 20 il istismar edəcək. Balaxanı bərk məişət tullantılarının yandırılması zavodu hər biri 250 min ton olan 2 xətdən və elektrik enerjisini istehsal edən turbindən ibarətdir. Tullantıların yandırılması prosesi nəticəsində il ərzində 231,5 mln KVt/saat elektrik enerjisi əldə olunacaq.
2013-cü ildə “Təmiz Şəhər” ASC-nin struktur təsdiq edilib: aparatda 92, struktur bölmələrində 600 nəfər çalışır.
2013-cü ildə Azərbaycanda 21,5 mlrd kVt/saat elektrik enerjisi istehsal edilib. --08B—
-
- Cəmiyyət
- 27 Mart 2014 14:46
-
- İqtisadiyyat
- 27 Mart 2014 16:25
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz