Korporativ bazarda yüksək artım tempi davam edir

  Bu ilin yanvar-fevralında Azərbaycanın korporativ qiymətli kağızlar bazarı 487,1 mln manat təşkil edib. Bu, 2013-cü ilin eyni dövründəkindən 4,6 dəfə çoxdur.

Bazarda artım «Azərbaycan Beynəlxalq bankı» və “Kapital Bank”ın səhmlərinin yerləşdirilməsi, təkrar bazarda İpoteka Fondunun istiqrazlarının alqı-satqısı hesabına olub. 

Qiymətli Kağızlar üzrə Dövlət Komitəsinin məlumatına görə, 2 ayda 295 əqd üzrə səhm yerləşdirilməsi həcmi 211,5 mln manat olub. Bu, 2013-cü ilin eyni dövründən 3,4 dəfə çoxdur. Təkrar səhm bazarında 84% azalma olub və o, 2 ayda 5,2 mln manat. Bakı Fond Birjasında 413 min manat təşkil edib. Təkrar bazarda səhmlərlə əqdlər də azalıb. 2013-cü ilin yanvar-fevralında bu platformada 673 əqd bağlanılıb, ötən ayda bu göstərici 608 olub.   

Korporativ iqtiqrazların yerləşdirilməsi həcminin (28,1 mln manat) 4% azalması fonunda, onun təkrar bazarında aktivlik olub. İstiqrazların təkrar bazarının həcmi 242,2 mln manat olub. Bu, ötən ilin eyni dövründəkindən 20,7 dəfə çoxdur. BFB-nin məlumatına görə, təkrar bazarda AİF istiqrazları üstünlük təşkil edir. İnvestorlar “ AccessBank”, “Bank of Baku”, “FİNCA Azerbaycan”, “Bakcell LTD” və “UNİBANK KB” istiqrazlarına da maraq östərir. Onlar daha yüksək faiz dərəcəsi ilə təklif edilir. 08B