![Azərbaycan BMT-də Ukraynanı dəstəkləyəcək](https://turan.az/resized/media/2014/main/032700073506-750-500-resize.webp)
Azərbaycan BMT-də Ukraynanı dəstəkləyəcək
BMT Baş Assambleyasının martın 27-də Ukraynadakı vəziyyətlə bağlı keçirəcəyi iclasında Azərbaycan Ukraynanın suverenliyi və beynəlxalq səviyyədə tanınmış sərhədlər çərçivəsində ərazi bütövlüyünün dəstəklənməsi barədə qətnamə layihəsinin müzakirəsində Ukraynanın mövqeyini dəstəkləyəcək. Bu barədə Azərbaycanın Ukraynadakı səfirliyi məlumat yayıb.
Səfirliyin rəsmi internet saytında yayılan xəbərdə deyilir ki, Azərbaycanın Ukraynanın ərazi bütövlüyünü, suverenliyini və sərhədlərinin toxunulmazlığını dəstəkləyən mövqeyi dəyişməz olaraq qalır. “Azərbaycan tərəfi ekstremizm, radikalizm və separatizmin istənilən formalarını pisləyir və beynəlxalq sülh və təhlükəsizliyin, o cümlədən BMT-yə üzv dövlətlər arasındakı münasibətlərin özəyini təşkil edən suverenlik, ərazi bütövlüyü və dövlətlərin beynəlxalq səviyyədə tanınmış sərhədlərinin toxunulmazlığı prinsiplərinə dönməz bağlılığını bir daha təsdiqləyir.
Səfirlik bəyan edib ki, Azərbaycan BMT üzv-dövlətləri arasında mövcud bütün münaqişələrin yuxarıda qeyd olunan prinsiplər əsasında siyasi dialoq vasitəsilə həllinin tərəfdarıdır.
Azərbaycan səfirliyi Ukraynanın “İnter” televiziya kanalında martın 26-da xəbərlər buraxılışında jurnalist Dmitriy Yevçinin reportajında qeyd olunan xəbərə münasibət bildirərək bəyan edib ki, 24-25 mart 2014-cü ildə Strasburqda keçirilmiş Avropa Şurası yerli və regional hökumətləri konqresinin iclasında Rusiyanın Vladimir vilayətinin qubernatoru, Rusiya nümayəndə heyətinin rəhbəri Svetlana Orlovanın guya Azərbaycanın Krımda 16 mart referendumunu tanıdığını və Rusiyanın Krımı federasiya subyekti kimi qəbul etməsini dəstəklədiyi fikri tamamilə əsassızdır. “Əksinə, iclasda iştirak edən Azərbaycan nümayəndə heyətinin rəhbəri, Naxçıvan Ali Məclisinin deputatı Anar İbrahimov Krımın ilhaq edilməsini pisləyən qətnamənin lehinə səs verib. -03D-
-
- İqtisadiyyat
- 27 Mart 2014 16:25
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz