TuranBank 1 oktyabr üçün rəqəmlərdə

2013-cü ilin yanvar-sentyabrında TuranBankın aktivləri 2012-ci ilin analoji dövrü ilə müqayisədə 16,35%, ilin əvvəli ilə müqayisədə isə 9,81% artaraq 238,370 mln. manat təşkil edib. Hesabat tarixinə bankın kredit portfeli 2013-cü ilin əvvəli ilə müqayisədə 11,35%, 2012-ci ilin analoji dövrü ilə müqayisədə isə 17,20% artaraq 179,584 mln. manata çatıb. 

Bankın  müştəri hesabları və depozit portfeli 102,2 mln. manat təşkil edib.. Depozit portfelinin strukturunda müddətli əmanətlər 2012-ci ilin analoji dövrü ilə müqayisədə 30,6% artaraq  68,646 mln. manat təşkil edib. 

1 oktyabr 2013-cü il üçün Bankın nizamnamə kapitalı 40 mln manat təşkil etməklə ilin əvvəli ilə müqayisədə 33,3%, ötən ilin analoji dövrü ilə müqayisədə isə 68,1% artıb. Hesabat dövründə Bankın məcmu kapitalı ilin əvvəli ilə müqayisədə 41,25%, ötən ilin analoji dövrü ilə müqayisədə isə 63,87% artaraq 45 mln manat təşkil edib. 

Bankın nizamnamə kapitalının strukturu ümumilikdə 27 səhmdar olmaqla - 5 hüquqi (23,84%) və 22 fiziki şəxsdən (76,16%) ibarətdir.   

2013-cü ilin yanvar-sentyabr aylarında Bankın gəlirləri 20,249 mln. manat, xərcləri isə 16,123 mln. manat təşkil edib. Hesabat dövrü ərzində Bankın balans mənfəəti  4,126 mln manat olub. 

Bankın hazırda 14 xidmət nöqtəsi (onlardan 7-si regionlarda: Gəncə, Sumqayıt, Ağstafa, Tovuz, Zaqatalada, Xaçmaz və Qazaxda olmaqla) və 20 valyuta mübadilə şöbəsi fəaliyyət göstərir. 

TuranBankın məhsul və xidmətləri haqqında ətraflı məlumatı  www.turanbank.az saytından, https://www.facebook.com/TuranBankASC  səhifəsindən və ya bankın 935 nömrəli Məlumat Mərkəzindən əldə etmək olar. --17D—