TuranBankın aktivləri 18,2 % artıb

2012-ci il sentyabrın 1-i üçün TuranBank-ın aktivləri 195,9 mln manat olub. İlin əvvəli ilə müqayisədə bu göstərici 18,2%, 2011-ci ilin eyni dövrü ilə müqayisədə 27,9% artıb. Hesabat dövrünə bankın kredit portfelinin qalığı 149,1 mln manat olub. İlin əvvəli ilə müqayisədə bu göstərici 27,5%, 2011-ci ilin eyni dövrü ilə müqayisədə 25,5% artıb. 

Bankdan verilən məlumata görə, 2012-ci ilin 8 ayında depozit portfeli ilin əvvəli ilə müqayisədə 12,8% 2011-ci ilin eyni dövrü ilə müqayisədə 27% artıb. Depozit portfelinin strukturunda müddətli depozitlər 67,7 mln manat olub. Bu, 2011-ci ilin eyni dövrü ilə müqayisədə 17,9% çoxdur. 

Bankın məcmu kapitalı ilin əvvəli ilə müqayisədə 13,5% 2011-ci ilin eyni dövrü ilə müqayisədə 6,1% artıb və 27,1 mln manat olub. Nizamnamə kapitalı 23,8 mln manata çatıb. İlin əvvəlindən o, 8,2% artıb. 

Nizamnamə kapitalının strukturuna 26 təsisçi daxildir. Bunun 5-i hüquqi (21,54%), 21-i (78,46%) fiziki şəxsdir. 

2012-ci ilin 8 ayında TuranBank-ın gəlirləri 12,3 mln manat xərclər olmaqla 14,7 mln manat təşkil edib. Balans mənfəəti 2,4 mln manat olub.

Bankın 12 filialı (Gəncə, Sumqayıt, Tovuz, Zaqatala, Ağstafa və Xaçmazda 6 ofis) və 20 valyuta mübadiləsi məntəqəsi var. 

TuranBank WesternUnion, XpressMoney, Contact, Migom, “Zolotaya korona”, Privatmoney, “Bıstraya poçta”, “Allür” və Blizko pul köçürmələri sistemləri vasitəsilə xidmət göstərir. --15D--