Azərbaycan prezidentinin fərmanı ilə Turizm Şurası yaradılıb və mədəniyyət və turizm naziri Əbülfəs Qarayev Şuranın rəhbəri təyin edilib.
Turan-ın məlumatına görə, Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimov, Dövlət Mülki Aviasiya Administrasiyasının direktoru Arif Məmmədov, eləcə də bir çox nazirlik və dövlət komitələrinin müavinləri Şuraya üzv təyin edilib.
Şuranın 18 üzvü var.
Şura turizm sahəsində mövcud vəziyyətin təhlil edilməsi, bu sahədəki problemlərin aradan qaldırılması üçün müvafiq tədbirlərin görülməsi, turizm sahəsində dövlət orqanlarına həvalə edilmiş vəzifələrin icrasının əlaqələndirilməsi məqsədilə yaradılmış və ictimai əsaslarla fəaliyyət göstərən kollegial orqandır.
Şuranın əsas vəzifələri turizm sahəsinin inkişafı istiqamətlərini hazırlamaq və onların həyata keçirilməsi mexanizmləri üzrə təkliflər vermək, turizm fəaliyyətini tənzimləyən qanunvericilik bazasının təkmilləşdirilməsi ilə bağlı təkliflər vermək, , ölkənin turizm potensialından istifadə imkanlarının artırılması, regionlarda turizm fəaliyyətinin stimullaşdırılması ilə bağlı təkliflər vermək və s-dir. 71D
İqtisadiyyat
-
Azərbaycanın Dövlət Statistika Komitəsi çərşənbə axşamı pərakəndə satış və xidmətlər üzrə aylıq statistik hesabat sisteminin şəffaflıq və dəqiqliyi artırmaq üçün yenidən nəzərdən keçirildiyini elan edib.
-
Azərbaycan Dövlət Neft Şirkəti (SOCAR), Azərbaycanın bərpa olunan enerji sahəsini inkişaf etdirmək səyləri çərçivəsində, ABŞ şirkətləri ilə geotermal enerji sahəsində əməkdaşlıq imkanlarını araşdırır. SOCAR-ın prezidenti Rövşən Nəcəf və DeGolyer and MacNaughton şirkətinin baş direktoru Con Uolles çərşənbə axşamı günü Bakıda geotermal enerji layihələri və karbonun tutulması, istifadə edilməsi və saxlanılması texnologiyaları (CCUS) daxil olmaqla bir sıra təşəbbüsləri müzakirə etdilər.
-
Çərşənbə axşamı, Bakıda keçirilən Turan Elektron Ticarət və İxrac Forumu çərçivəsində yeni “Made in Turan” ticarət nişanı təqdim olundu. Bu təşəbbüs Türkdilli dövlətlərin iqtisadi potensialını vahid bir brend altında birləşdirmək istiqamətində cəsarətli bir addım kimi qiymətləndirilir. Layihə, Türkdilli Dövlətlər Təşkilatına (TDT) üzv ölkələr arasında ticarəti stimullaşdırmağı və iqtisadi əlaqələri gücləndirməyi hədəfləyir.
-
Dövlət Gömrük Komitəsinin məlumatına görə, Azərbaycanda ərzaq idxalı xərcləri 2024-cü ilin ilk on ayında keçən ilin eyni dövrü ilə müqayisədə 10,2% artaraq rekord həddə - 1,97 milyard dollara çatıb. Bu artım, tərəvəz, meyvə, çay, düyü və heyvandarlıq məhsullarına artan tələblə izah olunur və hökumətin daxili kənd təsərrüfatı istehsalını artırmaq səylərinə baxmayaraq, ölkənin idxaldan asılılığının artdığını vurğulayır.
Rəy yaz