Kənd Təsərrüfatı Nazirliyi fermerlərə çatacaq subsidiyaların verilməməsi faktları aşkarlayıb
Kənd Təsərrüfatı Nazirliyi bu gün, dekabrın 28-də Zərdab rayonunda fermerlərə çatacaq vəsaitlərin bir hissəsinin talan edilməsi barədə məlumat yayıb. Fakt fermer Şəhla İsmayılovanın şikayətinə baxılan zaman aşkarlanıb. Kapital Bank ASC-nin Zərdab filialı istehsalçıya 9900 manat əvəzinə 5000 manat ödəyib.
Nazirliyin məlumatında qeyd edilir ki, araşdırma zamanı 238 nəfər istehsalçıya 37185,50 manat az vəsait verildiyi məlum olub. Bu subyektlərə verilməyən vəsait başqalarının adına sənədləşdirilib.
Kənd Təsərrüfatı Nazirliyi aşkar etdiyi nöqsanlara hüquqi qiymət verilməsi üçün sənədləri Respublika Prokurorluğuna göndərib.
2017-ci ildə hökumət aqrar sektora 190,2 mln manat subsidiya ayıracaq. 08D
İqtisadiyyat
-
Dövlət Gömrük Komitəsinin məlumatına görə, Azərbaycanda ərzaq idxalı xərcləri 2024-cü ilin ilk on ayında keçən ilin eyni dövrü ilə müqayisədə 10,2% artaraq rekord həddə - 1,97 milyard dollara çatıb. Bu artım, tərəvəz, meyvə, çay, düyü və heyvandarlıq məhsullarına artan tələblə izah olunur və hökumətin daxili kənd təsərrüfatı istehsalını artırmaq səylərinə baxmayaraq, ölkənin idxaldan asılılığının artdığını vurğulayır.
-
Azərbaycanda kartof sektoru, ölkənin ərzaq təminatının əsas sütunlarından biri və ikinci ən əhəmiyyətli kənd təsərrüfatı məhsulu, kəskin enişlə üzləşib. Dövlət Statistika Komitəsinin məlumatına görə, istehsal 2024-cü ilin yanvar-oktyabr dövründə illik 7,6% azalıb və bu, uzunmüddətli eniş tendensiyasını əks etdirir.
-
Qazaxıstanın energetika naziri Almasadam Satkaliev bazar ertəsi bildirib ki, Qazaxıstan və Azərbaycan 2022-ci ilin yazından dayanan Bakı-Supsa neft kəməri ilə Qazaxıstan neftinin nəqli imkanlarını müzakirə etməkdə davam edir, bu barədə Qazaxıstan KİV-ləri məlumat verib.
-
Azərbaycan qazının Şimali Makedoniyaya tədarükü orta müddətli perspektivdə müntəzəm xarakter alacaq, - Turan xəbər agentliyinə məlumatlı mənbə bildirib.
Rəy yaz