![Məşhədə bilet var, sərnişin yox](https://turan.az/resized/media/2016/main/122800179154-750-500-resize.webp)
Məşhədə bilet var, sərnişin yox
Dekabrın 29-da Naxçıvan-Məşhəd-Naxçıvan sürət qatarı hərəkətə başlayacaq. Sürət qatarı həftədə iki dəfə (dördüncü və bazar günləri) hərəkətdə olacaq. Bu haqda “Azərbaycan Dəmir Yolları” Qapalı Səhmdar Cəmiyyəti İctimaiyyətlə əlaqələr şöbəsi məlumat yayıb.
Üç vaqondan ibarət 108 yerlik qatar Naxçıvan, Culfa, Təbriz, Tehran və Məşhəd marşrutu üzrə hərəkət edəcək. Bir tərəfə biletin qiyməti 40 İsveçrə frankıdır (1 CHF - 1,713 AZN).
Naxçıvan və Culfa dəmir yolu stansiyalarında bilet satışına dekabrın 24-də başlanıb. Satış nağd qaydada aparılır. Elektron bilet satışının təşkili tamamlanmayıb.
“Naxçıvan Dəmir Yolları” MMC-nin yük və sərnişin daşımaları idarəsinin rəisi Mübariz Allahverdiyev Turan-a deyib ki, bu günə (27 dekabr) olan məlumata görə, hələ ki, bilet almaq üçün müraciət edən yoxdur.
“Bu marşruta olan tələbat haqda bir fikir deyə bilmərəm, çünki hələ bilet satmamışıq. Amma istənilən halda 29-u qatar yola düşəcək”.
Naxçıvan daxilində iki qatar (951/952 Ordubad-Şərur sərnişin/yük qatarı və 953/954 Şərur-Culfa sərnişin qatarı) hərəkət edir. Hər iki istiqamətdə hər biri 2 vaqondan ibarət 2 qatar hərəkət edir. Yay mövsümü üçün daha 4 vaqon mövcuddur. Bu qatarlar Naxçıvan sakinlərindən savayı, hərbi qulluqçulara da xidmət edir.
“Naxçıvan Dəmir Yolları” MMC-də bildiriblər ki, bilet qiymətləri Tarif (qiymət) Şurası tərəfindən tənzimlənir. Lakin Şuranın qərarında (http://www.tariffcouncil.gov.az/?/az/resolution/view/87) bu haqda məlumat yoxdur.
Qatar 29,5-30 saata Məşhədə çatacaq. Sərnişinlərə ödənişli çay veriləcək.
Naxçıvan Muxtar Respublikası ilə İran İslam Respublikası arasında beynəlxalq sərnişin qatarının fəaliyyətə başlaması “Azərbaycan Respublikası Hökuməti ilə İran İslam Respublikası Hökuməti arasında Azərbaycan və İran dəmir yollarının əlaqələndirilməsi haqqında” 2016-cı il fevralın 23-də Tehran şəhərində imzalanmış Çərçivə Sazişində öz əksini tapıb. 08B
-
- İqtisadiyyat
- 28 Dekabr 2016 12:55
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz