![Türkiyə Azərbaycanda özəlləşdirmənin yeni mərhələsini gözləyir](https://turan.az/resized/media/2016/main/080500164632-750-500-resize.webp)
Türkiyə Azərbaycanda özəlləşdirmənin yeni mərhələsini gözləyir
Özəlləşdirməyə aid ediləcək müəssisələrin siyahısı açıqlandıqdan sonra Azərbaycanda Türkiyə investisiyalarının fəallaşacağı gözlənilir. Bu barədə Türkiyə xarici iqtisadi əlaqələr Şurasının (DEIK) sədri Səlcuk Akar bu gün Türkiyə səfirliyində keçirilən tədbirdə bildirib.
Avqustun 4-də səfir İsmayıl Alper Coşqunun rəhbərliyi ilə Türkiyənin biznes nümayəndələri baş nazirin müavini Abid Şərifov və Azərbaycan prezidentinin iqtisadi islahatlar üzrə köməkçisi Natiq Əmirovla görüşüblər. “Türkiyə iqtisadi islahatlar yolunda Azərbaycanı dəstəkləməyə, ikitərəfli ticari-iqtisadi əlaqələri və sahibkarların investisiya planlarını inkişaf etdrməyə hazırdır”, - səfir qeyd edib.
İyulun 15-də baş tutmayan hərbi qiyamdan sonra azərbaycanlı investorların Türkiyədə davranışı barədə Turan-ın sualının cavabında səfir deyib ki, investorlar Türkiyə iqtisadiyyatına etimad göstəriblər. “Əksinə, biz Azərbaycandan investisiyanın artdığını görürük. Bu, Türkiyə iqtisadiyyatının böhranlı vəziyyətlərə davamlı olmasının nəticəsidir”, - səfir vurğulayıb.
Türkiyə Əməkdaşlıq və Koordinasiya Agentliyinin (TİKA) Bakı nümayəndəliyinin yeni rəhbəri Adəm Urfa deyib ki, Azərbaycan hökumətilə iqtisadiyyatın müxtəlif sahələrində əməkdaşlıq qarşıdakı illərdə də davam etdiriləcək. “TİKA Azərbaycanda fəaliyyət göstərdiyi 21 ildə 150 müxtəlif layihə həyata keçirib. Həmin layihələrdən 7000 nəfər istifadə edib, təhsil, səhiyyə, turizm, ətraf mühit və s. sahələrdə bilik və bacarıqlarını yaxşılaşdırıb. Biz Azərbaycanın qeyri-neft iqtisadyyatını inkişaf etdirmək cəhdlərinin dəstəklənməsi imkanlarını öyrənmək və yaxın üç ildə əməkdaşlıq strategiyasını hazırlamaq niyyətindədiyk”, - o bildirib.
Vergilər Nazirliyinin məlumatına görə, Azərbaycanda Türkiyə kapitallı 1685 şirkət fəaliyyət göstərir. İqtisadiyyata qoyulan investisiyalar $10,5 mlrd. həcmində dəyərləndirilir. Təxminən $8,5 mlrd. investisiya azərbaycanlı investorlar, həmçinin SOCAR tərəfindən Türkiyə iqtisadiyyatına qoyulub.--08D—
-
- Cəmiyyət
- 5 Avqust 2016 13:32
-
- İqtisadiyyat
- 5 Avqust 2016 13:53
İqtisadiyyat
-
Milli Mətbuat günündə Azərbaycanda yayım şəbəkəsinin genişləndirilməsi üçün maliyyə vəsaitinin ayrılması haqqında prezident fərmanının icrasının gedişatının müzakirəsinə həsr olunmuş brifinq keçirilib.
-
İqtisadiyyat Nazirliyinin məlumatına görə, 2015-ci ildən 2024-cü ilin birinci yarısına kimi Azərbaycanın sənaye zonalarında 13,5 milyard manatlıq (7,9 milyard ABŞ dolları) məhsul istehsal edilib, onun 4,4 milyard manatı (2,6 milyard dollar) ixrac edilib.
-
Bakıda reklam sektorundan 70-ə yaxın sahibkarın iştirak etdiyi “Reklam bazarında innovasiyalar və çağırışlar” mövzusunda dinamik müzakirə keçirilib. Tədbir bu sahənin cari tendensiyalarına və gələcək perspektivlərinə dərindən baxmaq üçün platforma təqdim edib.
-
"Aztelekom" və "Bakı Telefon Rabitəsi" avqustun 15-dən internetin qiymətlərində dəyişiklik olacağını açıqlayıb. Açıqlamada bildirilir ki, yeni tariflərdə abunəçilər üçün minimal sürət 100 Mbit/s-dən başlayacaq. Hər Mbit/s-ə ödəniş məbləği 0.45 AZN-dən 0.25 AZN-ə endiriləcək. Yəni,100 Mbit/s internetə 25, 150 Mbit/s-ə 30, 250 Mbit/s-ə isə 36 AZN qiymət təklif ediləcək.
Rəy yaz