Əmlak Məsələləri Dövlət Komitəsi “Zaqatala-Tütün” ASC-nin səhmlərinin pul hərracında satılmamış 30%-nin satışı üzrə investisiya müsabiqəsi elan edib. Bir investor müəssisəyə 6 aya 450 min manat qoymaq öhdəliyi götürüb.
ƏMDK-nin məlumatına görə, müsabiqədə iki iddiaçı iştirak edib. Onların adı açıqlanmır. Onlardan biri (fiziki şəxs) 20 dekabrda qalib elan edilib. Amma nəticələr bu gün elan edilib.
Nəzərdə tutulan investisiyalar fındıq emalı sexinin yaradılması, onun zəruri avadanlıq və texnologiyalarla, eləcə də xammal və dövriyyə vəsaitləri ilə təmin edilməsi, mebellərin sərgi-satış mərkəzinin yaradılması, işçilər üçün yeməkxana, soyunub-geyinmə və yuyunma otaqlarının qurulması və abadlıq-quruculuq işlərinə sərf ediləcək.
Zaqatala rayonu fındıq istehsalı və emalı üzrə aparıcı regionlardandır. 2012-ci ildə fındıq istehsalının (9460 ton) üçdə biri onun payına düşüb. Rayonda 10 fındıq emalı sexi var. Dövlətstatkoma görə, 2012-ci ildə Şəki-Zaqatala iqtisadi rayonunda 23 854 ton fındıq istehsal edilib.
Xatırladaq ki, “Zaqatala-Tütün” ASC-nin səhmlərinin 70%-i 1998-ci ildə satılıb. Qalib dövlət büdcəsinə 35 min manat köçürmək öhdəliyi götürüb. 08D
İqtisadiyyat
-
Azərbaycan Dövlət Neft Şirkəti (SOCAR) Aralıq dənizinin ən iri dəniz yataqlarından biri olan Tamar qaz yatağında 10% pay əldə etmək üçün Union Energy ilə müqavilə imzalayıb, şirkət çərşənbə günü bəyanatında bildirib.
-
Yanvarın 30-da Azərbaycan Prezidenti İlham Əliyev “Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025–2030-cu illər üçün Dövlət Proqramını” təsdiqləyən sərəncam imzalayıb. Bu proqram paytaxtın nəqliyyat sistemini modernləşdirməyi və tıxacları azaltmağı hədəfləyir, prezidentin mətbuat xidməti çərşənbə axşamı bildirib.
-
Goldman Sachs neft qiymətləri ilə bağlı proqnozlarını yenidən nəzərdən keçirib və 2025 və 2026-cı illər üçün Brent və Azeri Light markalı neftin qiymət proqnozlarını hər barel üçün 2 dollar artıraraq 78 dollar səviyyəsinə çatdırıb. Bu düzəliş, ABŞ sanksiyalarının Rusiyanın neft hasilatına təsiri və İran neft ixracına qarşı mümkün gələcək məhdudiyyətlər daxil olmaqla, geosiyasi risklərdən qaynaqlanan daha sərt təchizat şərtləri gözləntilərini əks etdirir.
-
Azərbaycan Dəmir Yolları (ADY) Bakıdan 45 kilometr şərqdə yerləşən Zira Limanından tranzit dəmir yolu yük daşımalarını işə salıb və bununla da ölkənin Orta Dəhlizdə logistika mərkəzi kimi mövqeyini gücləndirib.
Rəy yaz