Səməd Seyidov: Azərbaycan Avropa Şurasına sədrliyi dövründə də insan haqlarını siyasi alətə çevirməyin əleyhinə çıxacaq

Azərbaycan tərəfi Avropa Şurası Parlament Assambleyasının (AŞPA) hər sessiyasında olduğu kimi, bu sessiyada da işğal altında olan torpaqları ilə bağlı məslə qaldırıb. Bu barədə Milli Məclisin AŞPA-da daimi nümayəndə heyətinin sədri Səməd Seyidov Strasburqda qurumun sessiyası zamanı jurnalistlərin sualının cavabında bildirib.  

Onun sözlərinə görə, ermənilər atəşkəs rejimini cəbhənin bütün istiqamətlərində pozmağa başlayıb. “Bunu mən də, nümayəndə heyətinin üzvləri də qeyd etdi. Bu əks tərəfin gücsüzlüyüdür ki, bu şəkildə  atəşkəsi pozaraq, hansısa provakasiyalara gedərək nəyisə əldə etmək istəyir. Yəni danışıqları pozmaq istəyirlər. Başa düşürlər ki, danışıqlar prosesi hüquqi müstəvidə onların xeyrinə deyil. Bütün dünya Dağlıq Qarabağı Azərbaycan ərazisi hesab edir. Problemi sülh yolu ilə həll etmək lazımdır. Ancaq necə? Danışıqları pozmaq üçün atəşkəsi pozmaq lazımdır, provakasiyalar etmək lazımdır. Hanslı ki biz bu gün şahidiyik. Ona görə də bu məsləni sessiyada qaldırmışıq”, deyə sədr qeyd edib. 

Səməd Seyidov AŞPA-da Azərbaycan və Ermənistan nümayəndə heyətləri arasında keçirilən görüşlərin davam etdirilməsini istəyir.  “Biz çalışırıq ki, bu görüşlər davam etdirilsin. Bu, çox xeyirlidir. Hamı bilməlidir ki, Azərbaycan həmişə sülh tərəfdarıdır.  Sülh uğrunda mübarizəni biz aparırıq, Ermənistan sülh uğrunda mübarizə aparmır. Ermənistan Azərbaycan torpaqlarını işğöal edib, indi də dünyaya reallıqdan kənar məlumatlar yaymağa çalışır”.  

O, insan hüquqları, siyasi məhbuslar və qeyri-hökumət təşkilatları ilə bağlı qanunvericiliyə məhdudlaşdırcı əlavələr edilməsi barədə sualın  cavabında deyib ki, Avropa Şurasında da, müxtəlif yığncaqlarda da Azərbaycanda siyasi məhbuslar, vicdan məhbusları, insan hüquqları, toplaşmaq  azadlığının  məhdudluğu  və  sairə məslələrin qaldırlmasının şahidi olur. 

“Mən tam səmimi olaraq mətbuat nümayəndələrinə dəfələrlə demişəm, Azərbaycan insan haqları problemləri ilə məşğul olmağa hazırdır, məşğul olub və bundan sonra da məşğul olacaq. Bu ölkənin gündəliyinə daxildir.Ancaq insan haqlarını siyasiləşdirmək hansısa maraqlara xidmət etmək deməkdir. Bu gün görürsünüz Ukraynada hansı proseslər gedir. Bu gün görürsünüz insan haqları məsələsindən hətta inkilşaf etmiş ölkələrdə hansı düşünülməz, dəhşətli  məsələlər gündəmə qalxır. 

Bunu Azərbayacanada gətirmək istəyirlər. Elə bu gün bunun şahidi olduq. Bir neçə nəfər qalxdı Azərbaycana aid olmayan məsələlərdən Azərbaycanın məsləsini gündəmə gətirmək istədi. 

Yəni insan haqlarından istifadə edərəksiyasi məqamlarla, motivlərlə  dövlətə təzyiq göstərmək.  Biz bunun əleyhinəyik və həmişə əleyhinə olmuşuq, bundan sonra da əleyhinə olacağıq.  

Beynəlxalq təşkilatlara gəlincə, onlarla əməkdaşlıq etməyə həmişə hazırıq. Ancaq beynəlxalq təşkilatdanda beynəlxalq təşkilata fərq var və beynəlxalq təşkilatın da öz acendası (gündəliyi) var. Ona görə də beynəlxalq təşkilatlarında dediyini tam şəkildə tənqidsiz qəbul etmək dövlət maraqlarına zidd bir məsələdir”. 

Leyla Yunusun 134 siyasi məjbusun adını açılaması ilə bağlı suala cavabda Seyidov deyib ki, bu, bir az gülüş doğuran məsələdir. “Mətbuatda dərc olunmuşdu ki, Leyla xanımdan soruşublar ki, siz bu siyahıda olanların işinə baxmısınızmı? Deyib ki, hələ baxmamışam, hələ öyrənməmişəm, birbaşa daxil etmişəm. 

Belə məsələlər beynəlxalq təşkilatlarda da çoxdur. Hər bir məsələ ciddi öyrənilməlidir. Ola bilər ki, hər hansı bir halda insan haqları pozulub. Heç kim bunu inkar etmir. Ancaq insan haqlarından siyasi motiv kimi dövlətə təzyiq etmək üçün istifadə edilməsi qəbuledilməzdir”. 

Onun sözlərinə görə, AŞPA-da Ukrayna məsələləri müzakirə ediləcək. “Ukraynada hadisələrin bu şəkildə cərəyan etməsinin səbəblərindən biri də budur ki, bəzi beynəlxalq təşkilatların sənədlərini ciddi təhlil etməyiblər.  Əgər ciddi təhlil edib, dövlət maraqlarını önə çəksə idilər, bəlkə də indi hadisələr başqa cür cərəyan edərdi”. 

Seyidov fikrinin davamında deyib ki, Azərbaycan prezidenti bu günlərdə Davos sammitində açıq şəkildə bəyan edib ki, Azərbaycan Avropa İttifaqı ilə assosiasiya sazişinin imzalamasına o qədər də meylli deyil. “Biz Avropa ilə daha yüksək səviyyədə inteqrasiya etməyə hazırıq.  Daha yüksək səviyyədə əməkdaşlıq - strateji əməkdaşlıq, enerji əməkdaşlığı, insan haqları səviyyəsində əməkdaşlıq,  qarşılıqlı hörmət əsasında ikitərəfli əməkdaşlıq. Bu hansısa kağız üzərində yox, real dəyərlər əsasında sazişlərin və münasibətlərin formalaşmasıdır”. 

O, “Azərbaycanda insan haqlarına əməl olunmadığı halda daha yüksək səviyyədə saziş necə əldə olunacaq?” sualına cavabda deyib ki, Azərbaycanın AŞ-da sədrliyi başlayacaq. “Mayın sonunda Azərbaycanda daimi komitənin iclası olacaq, iyun ayında Azərbaycanın sədrliyi başlayacaq. Bu, o deməkdir  ki, Azərbaycanın sədrliyi  dövründə AŞ ilə birgə fəaliyyət  planının, o cümlədən insan haqları ilə bağlı daha aktiv, daha dərin, daha geniş həyata keçirilməsi istiqamətində fəaliyyət göstəriləcək. Azərbaycanın sədrliyi dövründə də insan haqlarını siyasi alətə çevirməyin əleyhinə çıxacağıq”, deyə o qeyd edib. -03/16B-