Tütünçülər də subsidiya alacaq
Prezident İlham Əliyev oktyabın 5-də tütünçülüyün inkişaf etdirilməsinə dövlət dəstəyi haqqında Sərəncam imzalayıb. Sənəd tütün xammalı istehsal edənlərə dövlət büdcəsindən subsidiya verilməsini nəzərdə tutur.
Emal müəssisələrinə satılmış quru tütünün hər kiloqramına, yaş tütünün isə hər 10 kiloqramına görə tütün istehsalçılarına 0,05 manat məbləğində subsidiya veriləcək.
Subsidiyalar bu il istehsal edilən tütünə də şamil ediləcək. Nazirlər Kabinetinə tapşırılır ki, iki ay müddətində tütün istehsalçılarına subsidiya verilməsi qaydasını müəyyən etsin.
Beləliklə, buğda, düyü, pambıq, barama və tütün istehsalçıları dövlət büdcəsindən subsidiya alacaq.
Dövlətstatkomun məlumatına görə, 2016-cı ildə Azərbaycanda tütün plantasiyaları 1400–dən 2400 hektara artıb. Sentyabrın 1-i üçün 2579 ton quru tütün yığılıb. Bu, 2015-ci ilin eyni dövründəkindən 7,6% çoxdur.
2016-cı ilin 8 ayında 1193,6 ton tütün fermentləşdirilib. Bu, 2015-ci ilin eyni dövründəkindən 27,3% çoxdur.
Bu ilin I yarısında Azərbaycandan 1324,6 ton fermentləşdirilmiş tütün ixrac edilib. İxracdan 5 mln 343,4 min dollar gəlir əldə edilib.
Tütün əsasən Şəki-Zaqatala zonası və Masallı rayonunda istehsal edilir. Tütün emalı Zaqatala Tütün zavodunda həyata keçirilir. 08D
-
- İqtisadiyyat
- 6 Oktyabr 2016 11:15
-
- İqtisadiyyat
- 6 Oktyabr 2016 11:53
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz