2013-cü ilin yanvar-sentyabrında bankların kassalarına ümumi nağd vəsait mədaxili 28,056 mlrd manat olub. Bu, əvvəlki ilin müvafiq dövrü ilə müqayisədə 20,9% çoxdur. Daha çox payı xarici valyuta satışı təmin edib - 29,5%. Mal satışı 19,2%, kreditlər üzrə mədaxil 8,6%, bankomatlar vasitəsilə mədaxil 4,9%, xidmət və işə görə mədaxil 4,3%, əmlak alınan zaman notarial hesablara mədaxil 4,2% və s. paya malik olub.
Azərbaycan Mərkəzi Bankının məlumatına görə, kassa dövriyyəsinin kəsiri 265 mln manat olub (sentyabrda + 25 mln manat). Hesabat dövründə nağd pul xərcləri 28,231 mlrd manat olub. Bu, 2012-ci ilin eyni dövründəkindən 16,3% çoxdur.
Ümumi xərclərdən 28,4% mal və xidmət xərcləri, 25,1% bankomatların pulla təchizatı ilə bağlı xərclər, 11% xarici valyuta alışı xərcləri, 7,7% kreditlər üzrə ödəniş, 5,4% əmlak əqdləri üzrə notarial hesablardan xərclər, 3,3% depozit hesabından ödənişlər və s. olub. Doqquz ayda kassa qalığı 436 mln manat olub. Bu, nağd pul mədaxilinin 1,6%-dir.
Günlük nağd pul mədaxilinin orta həcmi 103,148 min manat, xərclərin orta həcmi 104,122 min manat olub. --15B--
İqtisadiyyat
-
Azərbaycan yeni ilə qaz, elektrik enerjisi, su və dərman tariflərinin əhəmiyyətli dərəcədə artması ilə başladı, bu da vətəndaşlar arasında ev təsərrüfatlarına maliyyə yükü ilə bağlı geniş narahatlıq yaratdı. Rəsmilər bu tədbirləri iqtisadi dayanıqlılıq üçün zəruri hesab etsələr də, tənqidçilər durğun əməkhaqqı və pensiyalarla bağlı problemlər barədə xəbərdarlıq edirlər.
-
1 yanvar tarixindən etibarən Avropa Rus qazının Ukrayna vasitəsilə müqavilə əsasında nəqlini dayandırıb. Kiyev, “təcavüzkar ölkənin” qazının öz ərazisindən keçidi ilə bağlı müqavilələri uzatmayacağını bəyan etdi. Bu qərar, Ukraynada müharibədən əvvəl qitənin qaz idxalının təxminən 50%-ni təşkil edən Rusiya enerjisindən asılılığını azaltmaqda Avropanın səyləri üçün mühüm bir mərhələni ifadə edir.
-
Tarif Şurası qeydiyyata alınmış dərman vasitələrinin topdan və pərakəndə satış üzrə maksimum qiymətlərinin tənzimlənməsinə dair qərar qəbul edib. Yeni qiymət məhdudiyyətləri 2 yanvar 2025-ci ildən qüvvəyə minir.
-
Tarif Şurası tikinti obyektlərinin su təchizatı və tullantı sularının axıdılması sistemlərinə qoşulma xidmətləri üçün ilk dəfə tarifləri təsdiqləyib, əvvəllər tənzimlənməyən və qeyri-müntəzəm ödənişlərin tətbiq olunduğu bu sahəni strukturlaşdırıb, yanvarın 2-də elan edib.
Rəy yaz