Sentyabrda Azərbaycan banklarının məcmu aktivləri 481,56 mln manat və ya 2,5% artaraq 19400,46 mln manat olub. İlin əvvəlindən bank aktivləri 17,4%, illik müddətdə 26,7% artıb.
Azərbaycan Mərkəzi Bankının məlumatına görə, 1 oktyabr üçün banklarda nağd vəsait 807,1 mln manat, müxbir hesablarında vəsait 976,4 mln manat, maliyyə sektorunun kreditləşməsi 795,5 mln manat, müştəri kreditləşməsi 13546,2 mln manat, investisiya həcmi 1589,7 mln manat, başqa aktivlər 1685,6 mln manat olub.
Bank sisteminin öhdəlikləri hesabat ayında 398,59 mln manat və ya 2,5% artaraq 16246,99 mln manat olub. Bunun 8570,1 mln manatını depozitlər, 6507,9 mln manat maliyyə sektoruna verilən vəsaitlər və 1168,9 mln manatı başqa öhdəliklər təşkil edib.
Bankların ümumi kapitalı il ərzində 812,9 mln manat və ya 34,7%, sentyabrda 83 mln manat və ya 2,7% artaraq 3153,5 mln manat mln manat olub. --15B--
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz