ÜDM istehsalı 1,5 mlrd manat
2015-ci ilin yanvar-aprelində Azərbaycanda ümumi daxili məhsul istehsalı 16 mlrd 639 mln manat olub, deyə Dövlətstatkomda Turan-a bildiriblər. Cari qiymətlərlə 2014-cü ilin eyni dövrü ilə müqayisədə ÜDM istehsalı 1 mlrd 567 mln manat və ya 8,4% azalıb.
DSK-nın ÜDM hesablanması metodologiyası ilə hesablamasına görə, istehsal və xidmət sahələrində ÜDM istehsalı 2014-cü ilin I rübü ilə müqayisədə natura şəklində artım hesabına 5,5% artıb.
Qeyri-neft sektorunda ÜDM istehsalı 6,8%, neft sektorunda 4% artıb.
Əlavə dəyərin azalması nəticəsində neft sektorunun ÜDM strukturunda xüsusi çəkisi 45%-dən (2014-cü ilin yanvar-apreli) 33,6%-ə (5,6 mlrd manat) düşüb.
Maraqlıdır ki, hökumət ÜDM strukturunda neft və qeyri-neft sektorunun nisbətinin dəyişməsi amilini şaxələndirmə istiqamətində səylərinin nəticəsi kimi təqdim edir.
Növbəti dəfə bir nəfərə ÜDM istehsalı həcmi ictimaiyyətdən gizlədilir. DSK-ya görə, 4 ayda bir nəfərə ÜDM istehsalı həcmi 1942,6 manat və ya $2476,5 olub. Turan Agentliyinin hesablamasına görə, bu ilin 4ayında bu göstərici 1730 manat və ya $1650-a düşüb.--08D—
-
- Cəmiyyət
- 19 May 2015 12:41
İqtisadiyyat
-
Şahdəniz qaz-kondensat yatağının operatoru olan BP bazar günü elan edib ki, Şahdəniz Alfa platformasında istehsal 18 yanvar axşamından bərpa edilib. Bu, Şahdəniz Alfa platforması ilə Səngəçal terminalı arasındakı sualtı kondensat ixrac boru kəmərində texniki problemin tam həllindən sonra baş verib.
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
Rəy yaz