Ukrayna Rusiya vasitəsilə Türkmənistan və Azərbaycan qazının nəqli məsələsinə baxır. Bu ölkənin Nazirlər Kabinetinin rəhbəri Nikolay Azarovun sözlərinə görə, MDB azad ticarət zonası barədə qərar belə imkan verir.
Ukrayna 2014-cü ilin sonuna kimi Azərbaycandan qaz tədarükü üzrə müqavilə bağlanmasına inanmır. Bunu Azarov "Mir 24" telekanalına bildirib.
"Belə hesablamalar, razılaşmalar var. Amma Azərbaycandan qaz almaq bizim üçün nə deməkdir? Onu ya Rusiya ərazisi ilə nəql etmək, ya da bir qaz sıxma və bir qaz durulaşdırma zavodu tikmək, tankerlər almaq lazımdır. Bu, xeyli xərcdir və aydındır ki, yumşaq desək, çətindir. Amma xatırlatmaq istərdim ki, biz MDB azad ticarət zonası barədə qərar imzalayıb təsdiq edəndə ölkələrimizin vahid nəqliyyat sisteminə, o cümlədən boru kəməri sisteminə çıxışı barədə razılaşmışıq", - deyə məmur bildirib.
"Hələlik danışıqlar başlamayıb, ancaq başlayacaq və biz Türkmənistan və Azərbaycan, bəlkə də, başqa MDB ölkələrindən qazın birbaşa alınması imkanından danışacağıq", - deyə Azarov bildirib.
Xatırladaq ki, Ukrayna ölkəyə qaz tədarükünü şaxələndirmək istəyir. Moskva isə Ukraynaın Gömrük İttifaqına daxil olması müqabilində qazı ucuzlaşdırmağı vəd edir. --0--
İqtisadiyyat
-
Azərbaycan Mərkəzi Bankı inflyasiyanı hədəf diapazonu daxilində saxlamağa sadiqliyini bildirib və gələn illər üçün sabit inflyasiya gözləntiləri proqnozlaşdırıb. Mərkəzi Bankın faiz dəhlizinin parametrləri ilə bağlı verdiyi son bəyanatına görə, mövcud monetar siyasət inflyasiyanı hədəf diapazonunda saxlamağa və inflyasiya gözləntilərini sabitləşdirməyə yönəlmişdir.
-
Azərbaycan Mərkəzi Bankı 2024-cü ilin sonuna qədər xarici valyuta ehtiyatlarının 11 milyard dolları keçdiyini bildirərək, valyuta bazarının sabit olduğunu açıqlayıb. Mərkəzi Bankın sədri Taleh Kazımov çərşənbə günü faiz dəhlizinin parametrləri ilə bağlı keçirdiyi brifinqdə ölkənin əlverişli xarici sektor göstəricilərinin valyuta bazarının sabitliyini təmin etdiyini vurğulayıb.
-
Rusiya və İran Azərbaycandan keçən qaz kəməri marşrutu üzrə razılığa gəliblər. Bunu Rusiyanın energetika naziri Sergey Tsivilyov bildirib. Rusiyalı nazır qeyd edib ki, tərəflər hazırda danışıqların yekun mərhələsindədir, həcmlər artıq müəyyən olunub.
-
Yanvarın 20-də Davosda keçirilən Dünya İqtisadi Forumunun illik toplantısı çərçivəsində Azərbaycan Respublikasının Prezidenti İlham Əliyev "Oliver Wyman Group" şirkətinin baş icraçı direktoru Nik Studer ilə strateji dialoq aparıb.
Rəy yaz