Ümumi göstəricidə nağdsız hesablaşmaların payı 8,7%-ə çatıb

Azərbaycan banklarının dövriyyədə olan aktiv plastik kartlarının sayı 2012-ci ildə 428 min ədəd və ya 9,3% artaraq 5008 minə çatıb. Ötən ilin dekabrında kart sayı 63 min ədəd və ya 1,2% artıb. 

Beləliklə, ölkədə 1000 nəfərə (yetkinlik yaşına çatnış) orta hesabla 834 aktiv plastik kart düşür (bir il əvvəl 757 idi).

Yanvar-dekabrda kart sahibləri 8,83 mlrd manatlıq 57,2 mln əməliyyat keçiriblər. Ödənişlərin ümumi sayı 12,3%, onların həcmi 22,1% artıb. 2011-ci il ilə müqayisədə kredit kartları ilə əməliyyat sayı 48,7% artaraq 4193 min, dövriyyə 38% artaraq 1067 mln manat olub. 

Kart əməliyyatlarının əsas hissəsi yenə bankomatların payına düşüb – 7629 mln manatlıq 48796 min tranzaksiya. Bunun 98,6%-i nağd pul çıxarılması əməliyyatıdır. 

Bütün əməliyyatların 8,7%-i nağdsız əməliyyatların payına düşüb (il ərzində +3,5%). Bunun 678 mini bankomatlar vasitəsilə əməliyyatalar olub. Onlar 2011-ci il ilə müqayisədə bir dəfə yarım azalıb. POS terminallarla əməliyyyatlar 2,9 dəfə artaraq 4324 minə çatıb. 

Kartlara xidmət 2260 bankomat və 36860 POS-terminal vasitəsi ilə həyata keçirilib. İl ərzində birincilərin sayı 6%, ikincilərinki 178,8% artıb. 

 1 yanvar 2013-cü il üçün Bakıda 1263 АТM və 33629 POS-terminal qurulub. Xidmət sahəsi obyektlərində 35035 POS-terminal fəaliyyət göstərir, onların 32386-sı Bakıdadır. --15В--