Unibank bankomatlar vasitəsilə kredit verməyə başlayıb

"Unibank" Azərbaycanda ilk dəfə bankomatlar vasitəsilə istehlak kreditləri verməyə başlayıb. 

Bankdan Turan-a verilən məlumata görə, kredit almaq üçün müştəri öz kartını bankomata daxil edib mobil telefon nömrəsini göstərməlidir. Sorğu əldə ediləndən sonra bank əməkdaşları müştəri ilə əlaqə saxlayıb krediti rəsmiləşdirirlər. Bu xidmətdən istənilən bankın plastik kartı olanda istifadə etmək olar. 

Unibank bankomatlar vasitəsilə SMS bankçılıq, kommunal hesablara ödəniş kimi xidmətlər də edir. Unibank müştəriləri CARD TO CARD vasitəsilə pul da göndərə bilərlər. 

Ölkə bankları arasında ilk dəfə Unibank bu bankın verdiyi kreditləri istənilən bankın plastik kartları ilə bankomatlar vasitəsilə ödəmək xidməti tətbiq edib. 

Müştərilərin rahatlığı üçün Unidirect xidməti fəaliyyət göstərir. Müştəri onun vasitəsilə onun üçün uyğun olan ünvanda kredit əldə edə bilər. Bu xidmətdən istifadə üçün arzu edilən məbləğ barədə informasiyanı korporativ (işçi) poçtla unidirect@unibank.az ünvanına göndərmək lazımdır.  

Bundan başqa, Unibank filialları şənbə günləri tam iş gününə keçib. Nahar fasiləsi yoxdur. Bülbül pr., 10 ünvanındakı «Sahil» filialı bütün həftəni sutka boyu işləyir. 

Unibank məhsullarından bankın geniş tərəfdaş şəbəkəsində də istifadə etmək olar. “Atəşgah sığorta”, 28 mall və “Nərgiz” ticarət mərkəzinin 11 satış məntəqəsində “Albalı” taksit kartı almaq olar. 

Unibank 28 filial, 60 ATM və satış məntəqələri ilə təkcə özünün yox, başqa bankların müştərilərinə də xidmət edir. 

Unibank girov və zaminsiz 3000 AZN-dək kredit verir. 30 ay müddətinə istənilən istehlak ehtiyacıü çün kredit almaq olar. Borc məbləği borcalanın gəlirindən asılı olaraq 300-7.000 AZN təşkil edə bilər. –15D—