![Unibank Mobile-dan yeni imkanlar](https://turan.az/resized/media/2016/main/072900163821-750-500-resize.webp)
- İqtisadiyyat
- 29 İyul 2016, 12:22
- 120
Unibank Mobile-dan yeni imkanlar
Unibank, müştərilərinin istəyi ilə mobil bankinq xidmətində xeyli yeniliklər edib. İndi Unibank Mobile xidmətində əsas ekran daha rahat və xidmətlərə seçim imkanlı olub. Unibank Mobile-dan istifadə edən hər kəs, öz smartfonunda daha çox istifadə etdiyi bank xidmətlərini seçərək, əsas ekrana yerləşdirə bilər. Azərbaycan mobil bankçılığında ilk dəfə müştəri menyu bəndlərini əsas ekranda öz istəyinə görə tənzimləyə bilər. Bu, müştərinin bank xidmətinə birbaşa çıxışını təmin etməklə yanaşı, vaxtına da xeyli qənaət edir.
Unibank Mobile-da edilən digər dəyişikliklərə görə, indi siz Unibank-da krediti olan ailə üzvünüzün, dostunuzun kreditini öz telefonunuzdanca ödəyə bilərsiniz. Bunun üçün “Ödənişlər” bölümündə yeni “Kredit ödə” bölümü yaradılıb. Kreditini ödəmək istədiyiniz şəxsin şəxsiyyət vəsiqəsinin PIN kodunu və müqavilə nömrəsini yazaraq, hesabınızdan onun kreditini ödəyə bilərsiniz.
Daha bir yenilik isə Unibank Mobile-a daxil olduğunuz parolu dəyişmək imkanının yaradılmasıdır. Bunun üçün menyudan “Ayarlar” bölümünə daxil olub şifrəni dəyişə bilərsiniz.
Son yenilənmələrdən sonra indi Unibank Mobile-da əsas ekranın yüklənməsi, eləcə də əməliyyatlar daha sürətli olub.
Unibank müştərilərinin digər istəklərini də reallaşdırmaq üçün Mobil bankinq xidmətini davamlı olaraq təkmilləşdirməkdə davam edəcək.
Unibank Mobile bank xidmətlərindən banka getmədən elə telefonunuzdaca istifadə imkanı yaratmaqla, istifadəçilərinə böyük hədiyyələr də qazandırır.Bankın Unibank Mobile əlavəsi istifadəçiləri arasında keçirdiyi lotereyanın şərtlərinə görə, mobil bankinqlə əməliyyat edən müştərilər onlarla dəyərli hədiyyə qazanacaqlar.
Lotereyada oynanılan hədiyyələr:
-İphone 6S 16 GB Space Grey – 2 ədəd
-Dinamik Bose SoundLink Mini Bluetooth II – 2 ədəd
-100 manatlıq Albukart – 5 ədəd
-50 manatlıq Albukart – 15 ədəd
Oktyabrın 12-dək davam edəcək lotereyanın 24 qalibi olacaq. Unibank Mobile əlavəsində hər biri minimum 5 AZN olan 3 əməliyyat, iştirakçıya 1 şans qazandırır.Lotereya dövrünə düşən hər təqvim ayı müştəri edəcəyi əməliyyatlardan maksimum 50 şans, yəni ümumi 3 ayda 150 şans toplaya biləcək.
Lotereya müddətində Unibank Mobile əlavəsini yükləyərək 12 iyul -12 oktyabr tarixləri arasında minimum 1 əməliyyat edən müştərilər də böyük hədiyyələr qazanmaq şansı əldə edəcəklər.
Ətraflı məlumatı (012) 117 nömrəli telefondan, Bankın saytından (www.unibank.az ) və yaxud facebook və twitter səhifələrindən (www.facebook.com/unibank.az , https://twitter.com/unibank) əldə etmək olar.
Unibank-hər kəsin bankı!
Unibank haqqında
Azərbaycanın iki aparıcı özəl bankı – “MBANK” (1992) və “PROMTEXBANK”-ın(1994) 2002-ci ildə birləşməsi nəticəsində fəaliyyətə başlayan Unibank, ölkədə ən iri maliyyə təsisatlarından biridir. Öz maliyyə göstəricilərinə görə, bank ölkə bank sektorunun liderləri siyahısına daxildir. Bank müxtəlif mülkiyyət formasına və fəaliyyət istiqamətlərinə aid olan 800 minə yaxın korporativ və fərdi müştərilərə xidmət göstərir. Dünyanın nüfuzlu maliyyə qurumlarından olan Avropa Yenidənqurma və İnkişaf Bankı (15,15% pay) və “DEG” Almaniya İnvestisiya Şirkəti (8,33% pay) Unibank-ın səhmdarları sırasındadır. Unibank tərəfindən iki törəmə müəssisə – “Unileasing” lizinq şirkəti və Unicapital İnvestisiya Şirkəti təsis edilib. Bankın paytaxtda və regionlarda geniş xidmət şəbəkəsi mövcuddur. Bank 24 illik fəaliyyəti dövründə uğurlu kommersiya fəaliyyəti və sosial layihələrdə iştirakına görə bir çox beynəlxalq və yerli təşkilatlar tərəfindən çoxsaylı mükafatlara layiq görülmüşdür.
-
- İqtisadiyyat
- 29 İyul 2016 10:58
-
- İqtisadiyyat
- 29 İyul 2016 12:28
İqtisadiyyat
-
Azərbaycan Prezidenti İlham Əliyev 2023-cü il 17 noyabr tarixli fərmanı ilə təsdiq edilmiş “Azərbaycan Respublikasının Dövlət Su Təsərrüfatı Agentliyi haqqında Əsasnamə”də dəyişiklik edilməsi barədə fərman imzalayıb. Azərbaycan Konstitusiyasının 109-cu maddəsinin 32-ci bəndinə uyğun olaraq edilən dəyişikliklər müddəanın müxtəlif yarımbəndlərindən müəyyən ifadələrin çıxarılmasını nəzərdə tutur.
-
Bankdan bildirilib ki, Dünya Bankının İcraçı Direktorlar Şurası özünüməşğulluq imkanlarını genişləndirməklə həssas əhali qruplarına kömək etmək məqsədi daşıyan Azərbaycanda Məşğulluğa Dəstək Layihəsinin (AESP) genişləndirilməsi üçün əlavə 150 milyon ABŞ dolları məbləğində vəsaiti təsdiqləyib.
-
İyulun 30-da Bakıda Birləşmiş Millətlər Təşkilatının İqlim Dəyişikliyi üzrə Çərçivə Konvensiyasının (COP29) Tərəflərin Konfransının 29-cu sessiyası ərəfəsində “Azərbaycanda yaşıl tikinti” mövzusunda dəyirmi masa keçirilib. Tədbir davamlı, sıfır karbon tikinti təcrübələrini müzakirə etmək üçün xarici tikinti şirkətlərini, yerli sənaye liderlərini və hökumət rəsmilərini bir araya gətirir.
-
Bakının Olimpiya Stadionunun yanında Böyükşor gölündə Azərbaycan Energetika Nazirliyi və Asiya İnkişaf Bankının (AİB) birgə realladırdığı “Üzən günəş panellərinin inkişafı üçün bilik mübadiləsi və texniki yardım” layihəsi çərçivəsində ümumi gücü 100 kVt olan yeni günəş elektrik stansiyasının açılışı olub.
Rəy yaz