«Uşaqlar gələcəyimizin sığortasıdır» adlı sosial layihədə ölkə regionlarından 2 mindən çox şagird iştirak edib

MBASK AXA sığorta şirkətinin təşəbbüsü ilə “Məktəb icmaları” layihəsi çərçivəsində Şəki və Qubada “Uşaqlar gələcəyimizin sığortasıdır” adlı sosial layihəyə start verilib. Layihə Təhsil Nazirliyi və COMMUNITY.AZ-ın dəstəyilə keçirilir.

Şirkətin məlumatında deyilir ki, layihə çərçivəsində valideyn, şagird və müəllimlər üçün “Atam, anam və mən: bir-birimizi necə başa düşə bilərik?” və “Uşaqlarda davranış problemləri”  adlı aktual mövzular üzrə təlimlər keçirilib. Təlimlərdə 2 mindən çox adam iştirak edib. Onların arasında müəllimlər, şagirdlər və valideynlər olub. 

“Məktəb icmaları”nın əsas məqsədi şagirdlər, valideynlər və müəllimlər arasında ünsiyyət qurmaqdan, hər bir uşağın hərtərəfli inkişafı üçün şərait yaradaraq tədrisin səmərəliyinin artırılmasından ibarətdir.

AXA MBASK sığorta üzrə dünya lideri AXA Qrupunun bir hissəsi olaraq daima öz fəaliyyətini cəmiyyət qarşısında ictimai məsuliyyətinin bir hissəsi kimi vurğulayır. Şirkət belə layihələrin uşaq və gənclərin hərtərəfli dünyagörüşə malik vətəndaş kimi yetişdirilməsinə xidmət edəcəyinə ümid bəsləyir.--17D—