Üzüm istehsalı son 13 ildə rekord göstəriciyə çatıb

Bu il Azərbaycanda 147,3 min ton üzüm istehsal edilib. Bu 2011-ci ilin dekabrın 1-ə olan durumdan 12 min ton, yaxud 9,1% çoxdur. 2004-ci ildən üzümlüklərin təxminən iki dəfə artması nəticəsində yığılan məhsulun həcmi 1998-ci ildən rekord göstəriciyə çatıb.

Dövlət Statistika Komitəsinin məlumatına görə, bu ilin əvvəlinə qədər üzümlüklər 15,9 min hektar ərazini tuturdu. 1985-ci ildə yenidənqurma dövründə başlanan antialkoqol kampaniyasından, bunun ardınca kolxoz və sovxozların torpaqlarının əhaliyə paylandığı 1996-1998-ci illərdəki torpaq islahatından, həmçinin 2003-cü ilə qədər davam edən üzümçülüyün böhran dövründən sonra üzümçülük  sahələri 133,1 min hektardan (1993-cü il) 7,7 min hektara qədər (2003-cü il) azaldı. Bu gün üzümçülük kənd təsərrüfatı istehsalı sahələrindən ən gəlirlilərindən biridir, ora əsasən oliqarxiya nümayəndələri investisiya qoyur. Böyük sahələrdə «Gilan Holding» MMC (fövqəladə hallar naziri Kəmaləddin Heydərovun ailəsi) və «Vinqaro» MMC (prezidentin şəxsi mühafizəsinin rəhbəri Bəylər Əyyubov) öz üzümlüklərini yaradıb. Yeni üzümlüklərin salınmasında yerli növlərlə yanaşı yüksək məhsuldarlığı olan texniki fransız və italyan növləri də istifadə edilir. Ona görə 2011-ci ildə 1 hektardan məhsuldarlıq yüksək göstəriciyə çatdı – 81 sentner yaxud 2004-ci ildən 2 dəfə çox. Bu 1985-ci ilin göstəricisinə bərabərdir. Doğrudur, həmin vaxt «pripiska»da məhsuldarlığa öz payını verirdi. 08B