Moskva nümayəndələri Qəbələ RLS haqqında

Azərbaycanda Qəbələ RLS-dən imtinaya görə Rusiyanın təhlükəsizliyinə ziyan dəyməyəcək, bu barədə RF prezidentinin mətbuat katibi Dmitri Peskov bildirib.

RF-nin “Qəbələni” kompensasiya etmək üçün potensialı var. Şübhəsiz, Rusiyanın təhlükəsizliyi üçün zəruri olan hər şey təmin ediləcək”, deyə Kreml nümayəndəsi qeyd edib.

Bu arada RF XİN-in rəsmi nümayəndəsi Aleksandr Lukaşeviç bildirib ki, dekabrın 9-da Qəbələ RLS-in icarəsi haqqında sazişin müddəti bitib və dekabrın 10-dan etibarən Rusiya bu obyektin istismarını dayandırıb. “Azərbaycan XİN-ə vaxtında Rusiyanın Bakıdakı səfirliyinin müvafiq notası verilib, bu zaman Azərbaycan tərəfdən Qəbələ RLS-in icarə müddətinin uzadılması haqqında danışıqları bərpa etmək təklifi daxil olmayıb”, deyə o bildirib. 

İyunda Rusiya Kosmik Müdafiə Qoşunları komandanı general Oleq Ostapenko bildirib ki, Rusiyanın Qəbələ RLS-dən imtinası Rusiya dövlətinin təhlükəsizliyinə ziyan vurmayacaq Qəbələ RLS-i Armavirdəki “Voronej” kimi yeni stansiyalar layiqincə kompensasiya edəcək. “Bu stansiya Qəbələ RLS-in yerinə yetirdiyi vəzifələri həll etmək iqtidarındadır”, deyə Ostapenko qeyd edib. -02D-