Valyuta alverçilərinin fəaliyyətinin qarşısı alınıb

SMS-bildiriş vasitəsilə dolların manata nisbətdə məzənnəsi ilə bağlı yalan məlumatın yayılmasının qarşısı alınıb – bu barədə Azərbaycan Maliyyə Bazarına Nəzarət Palatasının məlumatında deyilir. 

“Müvafiq dövlət orqanları ilə birgə 9944 qısa nömrə vasitəsilə məzənnə ilə bağlı həqiqətə uyğun olmayan məlumat yayan strukturun fəaliyyətinə son qoyulub. Məlumatda deyilirdi ki, dolların alış qiyməti 1,785-1,87 manat təşkil edir, halbuki Mərkəzi Bankın rəsmi məzənnəsi 1,6362 manat təşkil edir. Struktur həmçinin onlarla əlaqə saxlamaq üçün nömrəni də qeyd edirdi - (+9912) 404 13 89», - deyə rəsmi məlumatda bildirilir. Xatırladaq ki, AMB-nın sentyabrın 7-ə bankların valyutadəyişmə məntəqələri üçün təyin etdiyi məzənnə dəhlizi belədir: ABŞ dollarının alışı - $1 üçün 1,5708 manatdan ucuz deyil, satış $1 üçün 1,7016 manatdan baha deyil. 

Nəzarət Palatası “unudur” ki, kommersiya banklarının dollar satmaqdan imtinası fonunda qara bazar çiçəklənir. Sadəcə olaraq, bağlanan struktur valyutanı əmtəə kimi “28 May” metrosundakı alverçilərdən daha münasib qiymətə leqallaşdırmağa çalışıb. --17D—