- Söz istəyirəm
- 7 Sentyabr 2016, 13:13
- 66
«Azadlıq»ı niyə susdurmaq istəyirlər
Hakimiyyət qəzetin çap versiyasını dayandırmaq üçün ağla gələn və gəlməyən bütün vasitələrdən istifadə edir
Hökumətin “Azadlıq”la savaşı davam edir. Bütün dönəmlərdə bu qəzeti sıradan çıxarmaq üçün “ssenari”lər yazıblar. Bu gün “Azadlıq” qəzetinin iki əməkdaşı həbs həyatı yaşayır,dəfələrlə qəzetə qarşı qondarma məhkəmə qərarları olub, qəzetin əməkdaşlarına fiziki zor tətbiq edilib və.s Amma “Azadlıq” bütün çətinliklərə dözərək, qeyri-bərabər döyüşdə “ağ bayraq” qaldırmayıb. Bundan sonra “Azadlıq”ı iqtisadi yollarla sıradan çıxarmağa cəhd etdilər. YAP Siyasi Şurasının üzvü, deputat Mirkazım Kazımovun rəhbərlik etdiyi “Qasid” firması “Azadlıq”a olan 70000 manat borcunu hələ də ödəmir. “Azadlıq”ın ciddi maliyyə problemləri də bundan sonra başladı. Amma qəzet kollektivi yenə də geri çəkilmədi və prinsipial fəaliyyətimiz davam etdi. Aylarla maaşsız qalmaq, çətin şəraitdə işləmək kollektivin əzmini qıra bilmədi.
“Azadlıq” bu ölkədə azad sözün son qalası kimi qəbul olunur. Bu qəzet yalançı təriflə, şər-böhtanla məşğul olmayıb. Hər zaman həqiqətləri yazıb, ölkə vətəndaşlarının problemlərini işıqlandırıb və azad sözə xidmət edib. Təbii ki, ölkədə müstəqil mətbuatın olması, prinsiplərinə xəyanət etməyən kolektivin mövcudluğu hökuməti narahat edirdi. Ona görə də “Azadlıq”a yeni problemlər yaratmağa başladılar. Qəzetin maliyyə direktoru Faiq Əmirli qondarma ittihamalrla həbs edildi, qəzetin Nəşriyyata pul ödəmək imkanları məhdudlaşdı və nəticədə guya qanuni yolla qəzetin çapını dayandırdılar. Əslində, aylar öncə Faiq Əmirli izlənildiyi zaman bizə məlumat çatırdı ki, bütün bunlar qəzetin dayandırılmasına xidmət edir. İndi də qəzetin əməkdaşlarını prokurorluğa çağırırlar, az qala qəzetə başsağlığı verənlərdən də izahat almağa çalışırlar.
“Azadlıq” 27 ildir ki, eyni qaydada fəaliyyət göstərir və bütün qurumlar bu qəzeti rəsmən tanıyıb. “Azadlıq” bütün fəaliyyəti dövründə dövlətçiliyə xidmət edib, dövlətin maraqlarını önə çəkib və çatışmazlıqları konkret göstərib. Dünya və ölkə icitmaiyyəti də “Azadlıq”ı Azərbaycan mətbuatının simvolu kimi tanıyır.
Belə bir tarixi yol keçmiş qəzeti bu gün cılız ittihamlarla qapatmaq, maddi məngənəyə salmaq absurddur. Hökumətin əlinə fürsət düşüb və qəzetdən qisas alırlar.
Amma bütün bunlar nəticəni dəyişmir. Qəzetin çap variantı dayandırılsa belə, elektron fəaliyyət davam etdiriləcək. Azərbaycan hökuməti isə bütün dünyada “mətbuat yırtıcısı” kimi legitimlik qazanacaq. Onsuz da ölkədə vəziyyət ağırdı və bu kimi addımlar hökumətin beynəlxalq aləmdəki imicini daha da sardıldır.
Bir daha qeyd edirik ki, biz 27 il ərzində qanuni şəkildə fəaliyyət göstərmişik, heç vaxt borcumuz yaranmayıb, vaxtında vergiləri ödəmişik. Sadəcə olaraq məqsədli şəkildə qəzetin ödəniş etmə imkanları məhdudlaşdırılıb və müstəqil mətbuatın sıradan çıxarılmasına qanuni don geynidirməyə çalışıblar.
Hansıki, bu ölkədə balca uşaq da bilir ki, “Azadlıq”ın üzləşdiyi bütün çətniliklər hökumətin “töhfə”sidir. Yeganə məqsədləri bizi prinsiplərimizidən döndərmək, müqavimətdən salmaqdır. Ölkədə yalnız bir azad mətbuatın olmasına da dözə bilmirlər. Həqiqətləri tirajlayan, çatışmazlıqları ictimailəşdirən hər hansı təsisatın olmasını istəmirlər. Bunlar bütün azadlıqlara və “Azadlıq”a qarşıdılar.
İnşallah, bu sınaqdan da çıxacağıq və azad sözə, həqiqi qəzetçiliyə xidmətimizi davam etdirəcəyik. Tərcümeyi halımız təmiz, xalq və dövlət qarşısında başımız dikdir. Nə qədər ləkə vursalar da, nə qədər şər atsalar da, həqiqət öz yerini tapacaq. Bütün hüquqi vasitələrdən istifadə edəcəyik, fəaliyyətimizi bərpa etməyə çalışacağıq.
“Azadlıq”
-
- Cəmiyyət
- 7 Sentyabr 2016 13:07
-
- İqtisadiyyat
- 7 Sentyabr 2016 13:17
Söz istəyirəm
-
Müasir müharibələr insanlığın dözümlülüyünü sınağa çəkir, prioritetləri və dəyərləri yenidən nəzərdən keçirməyə məcbur edir. Belə dövrlərdə yalnız güc nümayiş etdirmək deyil, həm də beynəlxalq hüququn və insanlığın prinsiplərinə bağlılığı göstərmək xüsusilə vacibdir. Rusiya Federasiyasının misilsiz silahlı təcavüzü ilə üzləşən Ukrayna, beynəlxalq humanitar hüququn (BHH) normalarına sadiqliyini qoruyaraq, bu təcavüzə müqavimət göstərir. Ukrayna Müdafiə Nazirliyi tərəfindən təqdim olunan Könüllü Hesabat şəffaflıq, məsuliyyət və ədalət axtarışının simvoluna çevrilib.
-
Prezident İlham Əliyev RİA agentliyinə verdiyi müsahibədə Azərbaycanda xaricdən maliyyələşən medianın qarşısının alındığını dedi və söylədi ki, Azərbaycan ABŞ-da, Avropada heç bir medianı maliyyələşdirmirsə, onlar nədən bunu bizim ölkədə etməlidir?!
-
Azərbaycan Respublikasının Prezidenti cənab İlham Əliyevə və Azərbaycan Respublikasının Vitse-Prezidenti xanım Mehriban Əliyevaya Göndərən: Amina Fevzi qızı Hacıyeva (Beynəlxalq Bankın keçmiş sədri Cahangir Hacıyevin bacısı)
-
İctimai xadim və alim Dr. Cəmil Həsənli, Meydan TV-nin jurnalisti Natiq Cavadlının qaçaqmalçılıqda ittiham olunaraq dörd aylıq istintaq təcridxanasına salınmasına görə dərin narahatlığını ifadə edib. Onu tanıyanlar üçün bu hadisə inanılmaz görünür. Dürüstlüyü, intellekti və həqiqətə bağlılığı ilə tanınan Cavadlı Azərbaycanın ən hörmətli jurnalist və ziyalılarından biri hesab olunur.
Rəy yaz