Vergi generalı Türkiyədə bahalı daşınmaz əmlaka malikdir

Biziminfo.com-un iddiasına görə, Azərbaycan məmuru Şahin Eyyubov Türkiyədə 5 mln. dollar dəyərində daşınmaz əmlak alıb. http://www.biziminfo.com/news/46783.html

Bu, Vergilər Nazirliyinin 12 saylı ərazi departamentinin (Gəncə) rəisi, üçüncü dərəcəli dövlət vergi xidməti müşaviri (general-mayor) Şahin Eyyubovdur. O, həm də prezidenti şəxsi mühafizə xidmətinin rəisi Bəylər Eyyubovun qardaşı oğludur.

Nəşrdə iddia olunur ki, Ş.Eyyubov “Ağaoğlu Maslak 1454” firmasından İstanbulub Şişli rayonunda teras tipli 2+1 mənzili 2 mln. dollardan çox vəsait ödəyib. Sövdələşmə 2015-ci il dekabrın 30-da bağlanıb.

Ş.Eyyubovun aldığı ikinci obyekt ən nüfuzlu rayonunda 300 kv. m. sahəsi olan ikimərtəbəli villadır.

Vergi xidmətinin generalı 420 min dollarlıq “Roger Dubuis” saatı taxır.

Müəllif iddia edir ki, general bu məlumatları təkzib edə bilməyəcək, çünki özü “Ağaoğlu” şirkətlər qrupunun işçisinə alış-satış haqqında təlimatı e-mail və s. göndərib.

Həmçinin qeyd edilir ki, Ş.Eyyubovun bahalı mülkiyyəti Türkiyədəki obyektlərlə məhdudlaşmır.

Belə ki, Gəncədə “Qaya” restoranının qarajında Mercedes S65 AMG, Mercedes G65 AMG Brabus, Mercedes G300 Proffessional, Toyota Land avtomobilləri dayanıb, onların dəyəri milyonlarla ölçülür. Onlar hamısı 002 və 007 nüfuzlu dövlət nömrə nişanı daşıyır.

Müəllif öz sözlərini təsdiq etmək üçün Ş.Eyyubovun İnstaqram səhifəsinə istinad verib.

Eyyubov həmçinin restoran, qənnadı sexi və 70 nəqliyyat vasitəsindən ibarət “Güllübulaq” çoxprfolli MMC-min sahibidir.

General-vergi işçisi öz İnstaqram səhifəsində Yamayka və Maldivlərə, Monte-Karloya, Pkuxet (Tayland), San-Dieqo (Kaliforniya) səyahətləri haqqında fotoşəkillər dərc edir.

Gəncədə Eyyubov bir neçə evə, həmçinin ən bahalı yerdə - Port-Baku-da 1 mln. manat dəyərində bahalı mənzillərə sahibdir. Bütün bu var-dövlətin sahibi 530 manat maaş alır.

Araşdırma müəllifi həmçinin 2007-2008-ci illərdə gələcək generalın diplom müdafiəsinə buraxılmaması, ikinci ilə qalması haqqında məlumat tapıb.

Vergilər Nazirliyinin informasiya-analitika şöbəsindən Turan agentliyinə məqalədə irəli sürülən ittihamlarla bağlı şərh verməkdən imtina ediblər, bunun “idarənin birbaşa fəaliyyəti ilə əlaqəsi olmadığına” istinad ediblər. -06B-