Vergi Məcəlləsinə düzəlişlər lizinq şirkətlərinin imkanlarını banklarla bərabərləşdirir
Yanvarın 1-dən Vergi Məcəlləsinə düzəlişlər qüvvəyə minir. Ona əsasən, lizinq obyektləri idxal ediləndə ƏDV tutulmayacaq. Bu, yerli şirkətlərə (23 şirkət) xidmət qiymətini 18% ucuzlaşdırmağa imkan verəcək.
Lizinq Şirkətləri Assosiasiyasının rəhbəri, Joint Leasing şirkətinin baş direktoru Elçin Əhmədovun sözlərinə görə, hazırda ƏDV üzündən xaricdən mal alanda bank kreditləşməsi ilə rəqabət apara bilmirlər.
«Bu səbəbdən lizinq şirkətlərinin əsas müştəriləri fiziki şəxslərdir. Hüquqi şəxslər ƏDV üzündən lizinq şirkətləri ilə əməkdaşlıq etmir, avadanlığı xaricdən özləri alırlar», - deyə o, Turan-a bildirib.
Onun sözlərinə görə, normativ-hüquqi bazanın təkmilləşdirilməsi üçün MM, hökumət və dövlət strukturları birgə işləməlidir. Dəqiq sxem hazırlanmalı, proses tənzimlənməli, ƏDV-dən azad edilən lizinq obyektlərinin siyahısı hazırlanmalıdır.
Lizinq bazarının indiki potensialı $600-700 mln təşkil edir. Lizinq münasibətləri Mülki və Vergi məcəllələri ilə tənzimlənir. ---17D—
İqtisadiyyat
-
Şahdəniz qaz-kondensat yatağının operatoru olan BP bazar günü elan edib ki, Şahdəniz Alfa platformasında istehsal 18 yanvar axşamından bərpa edilib. Bu, Şahdəniz Alfa platforması ilə Səngəçal terminalı arasındakı sualtı kondensat ixrac boru kəmərində texniki problemin tam həllindən sonra baş verib.
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
Rəy yaz