Ekologiya və Təbii Sərvətlər Nazirliyi 10 saylı platformada neft sızmasının olmadığını bildirib
“Günəşli” yatağının 10 saylı stasionar dərin dəniz özülündə baş vermiş yanğın hadisəsi nəticəsində dənizə neft sızması müəyyən edilməyib. Ekologiya və Təbii Sərvətlər Nazirliyinin ekspedisiya qrupu belə nəticəyə gəlib.
Nazirliyin məlumatında bildirilir ki, yanğın baş verən zaman 30 quyudan 28-i işlək vəziyyətdə olub.1 neft və 1 qaz quyusu işləməyib. İstismar edilən 28 quyudan 21-i qaz-lift üsulu ilə işləyən neft, 7-i isə qaz quyusudur. Neft quyuları qaz-lift üsulu ilə işlədiyindən qəza zamanı quyulara qazın vurulması dayandırılıb. Bu səbəbdən neftin su mühitinə düşmək ehtimalı yoxdur.
Hazırda yanğının davam etdiyi digər 7 quyudan 4-ü qaz, 3-ü isə qaz-kondensat quyusudur ki, 4 qaz quyusundan çıxan təbii qaz tam yandığı üçün atmosfer havasına zərərli təsiri nisbətən azdır.
Yalnız 3 qaz-kondensat quyusundan müəyyən qədər kondensat sızması ehtimalı dəyərləndirilir. Lakin bu quyulardan çıxan karbohidrogenlərin yanması dənizə neft sızması ehtimalını sıfıra endirir və yuxarıda qeyd edildiyi kimi karbohidrogenlər yandıqda daha az zərərli maddələrə çevrilir.
Vizual müşahidələr göstərir ki, dənizdə çirklənmə, platformanın ətrafında neft ləkələri yoxdur. Bununla belə, təhlillər üçün sudan və atmosferdən nümunələr mütəmadi olaraq götürülür və nazirliyin laboratoriyalarında yoxlanılır.08D
İqtisadiyyat
-
Şahdəniz qaz-kondensat yatağının operatoru olan BP bazar günü elan edib ki, Şahdəniz Alfa platformasında istehsal 18 yanvar axşamından bərpa edilib. Bu, Şahdəniz Alfa platforması ilə Səngəçal terminalı arasındakı sualtı kondensat ixrac boru kəmərində texniki problemin tam həllindən sonra baş verib.
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
Rəy yaz