ВР «Şahdəniz-3»ü ehtiyat üçün hazırlayır
BP-Azerbaijan şirkəti 2016-cı ilin IV rübündə “Şahdəniz” yatağının işlənməsi üzrə “Mərhələ-3”ün həyata keçirilməsi üçün seysmik məlumatların analizinə başlamağı planlaşdırır. Bu barədə cümə axşamı jurnalistlərə şirkətin geoloji kəşfiyyat üzrə vitse-prezidenti Qreq Rayli məlumat verib.
“Biz “Mərhələ-3”ün həyata keçirilməsinə hazırlıq işlərini davam etdiririk, məlumat toplayırıq. Lakin hazırda bu, bizim üçün prioritet təşkil etmir, çünki biz “Mərhələ 2”nin həyata keçirilməsinə diqqət yönəltmişik”, - deyə Q.Rayli bildirib.
Bununla yanaşı, o qeyd edib ki, 2015-ci ildə “Mərhələ-3”ün həyata keçirilməsi məqsədi ilə “Giləvar” gəmisinin köməyi ilə üçölçülü seysmik kəşfiyyat işləri aparılıb.
Turan müxbiri SOCAR-da dəqiqləşdirib ki, “Mərhələ-1” çərçivəsində qaz hasilatı 220 mlrd kubmetr, “Mərhələ-2” çərçivəsində 400 mlrd kubmetr qaz hasilatı planlaşdırılır. “Mərhələ-3” layihəsi 2025-ci ildə başlanılacaq ki, növbəti onilliyin sonu üçün hasilata başlansın. “Mərhələ-3” çərçivəsində ehtiyatlar 500 mlr qiymətləndirilir.
Xatırladaq ki, SOCAR-ın I vitse-prezidenti Xöşbəxt Yusifzadə ötən ilin sonunda konfransların birində bildirib ki, “Mərhələ-2” çərçivəsində hasilat piki 2022-ci ildə 16 mlrd kubmetr olacaq və 2029-cu il kimi davam edəcək. Bu vaxt üçün 22 il sitismar edilən “Mərhələ-1” çərçivəsində hasilat azalacaq. Faktiki BP-Azerbaijan üçün “Mərhələ-3” “Mərhələ-1” və “Mərhələ-2” çərçivəsində sabit ixrac həcmini qorumaq üçün lazımdır.
“Şahdəniz” yatağının işlənməsi haqqında müqavilə 1996-cı il iyunun 4-də Bakıda imzalanıb və elə həmin il oktyabrın 17-də Milli Məclisdə ratifikasiya edilib. “Şahdəniz” layihəsinin iştirakçıları BP (operator – 28,8%), “Petronas” (15,5%), ARDNŞ (16,7%), "LUKoil” (10%), NICO (10%) və TPAO (19%) şirkətləridir.
İndiyədək “Mərhələ-1” çərçivəsində qaz hasilatı 60 mlrd kubmetr təşkil edib. –12В--
-
- İqtisadiyyat
- 6 Fevral 2016 11:17
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz