Xarici investisiyaların artımı 18,9% təşkil edib

2012-ci ildə Azərbaycan iqtisadiyyatına xarici investisiyaların həcmi $10,3 mlrd. təşkil edib ki, bu da ötən ildə olduğundan 18,9% çoxdur. Bu barədə Turan-a Dövlət Statistika Komitəsindən məlumat verilib.

Xarici investisiyaların yarıdan çoxu  ($5,4 mlrd. və ya 52,2%) şirkətlərin birbaşa investisiyalarının payına düşür.  2011-ci illə müqayisədə birbaşa investisiyaların həcmi 25,4% artıb. $4,3 mlrd. və ya birbaşa investisiyaların  80%-ə qədəri iqtisadiyyatın neft-qaz sektoruna yönəldilib.

Maliyyə kreditlərinin payına 30,4% ($3,1 mlrd.) düşüb. Beynəlxalq kreditlər strukturunda dövlət təminatlı kreditlərin xüsusi çəkisi 39,7% təşkil edib. Qalan 17,4% portfel və digər investisiyalardır.

DSK ölkə iqtisadiyyatına xarici investisiyaların həcmini qismən siyasiləşdirərək İlham Əliyevin prezidentliyi dövründən 2004-cü ildən göstəriciləri təqdim edir. DSK-nın məlumatına görə, bu dövrdə Azərbaycan iqtisadiyyatına $60,7 mlrd. xarici investisiya qoyulub. 

Azərbaycan həmçinin investisiya ixracını da genişləndirir. Belə ki, 2012-ci ildə müxtəlif ölkələrin iqtisadiyyatına özəl və dövlət investisiyalarının həcmi $1 128,8 mln. təşkil edib ki, bu da 2011-ci ilin göstəricisindən 2 dəfə çoxdur.08D