İlin 11 ayında Azərbaycanın xarici ticarət dövriyyəsi $18,8 mlrd təşkil edib. Bu, ötən ilin eyni dövründəkindən 34,7% azdır, deyə Gömrük Komitəsi məlumat verir.
Hesabat dövründə $10,6 mlrd məbləğində mal ixrac edilib. Bu, 2014-cü ilin eyni dövründəkindən 48,7% azdır. Xaricdə $8 mlrd 196,1 mln məbləğində mal alınıb. Bu, ötən ilin eyni dövründəkindən 1% çoxdur.
DGK-ya görə, noyabrda ixrac $140,6 mln, idxal $106 mln azalaraq $854,3 mln və $756,1 mln təşkil edib.
İxrac strukturunda neft, təbii qaz və neft məhsullarının xüsusi çəkisi 86% olub.
Bir çox ekspertlərin fikrincə, idxalın real həcmi DGK-nın rəsmi göstəricisindən 30% çoxdur. İdxalın bir hissəsi gömrük qeydiyyatına alınmır, bir çox mallar ucuz qiymətə rəsmiləşdirilir. Ona görə xaricdən mal alınması xərcləri gömrüyün bəyan etdiyindən xeyli yüksəkdir. Bu, manatın real məzənnəsinə mənfi təsir edən amillərdən biridir. 08D
İqtisadiyyat
-
ABŞ-ın prezidenti Donald Trampın təklif etdiyi enerji və ticarət siyasətləri qlobal neft və qaz qiymətlərində uzunmüddətli enişə səbəb ola bilər. Bu isə 2026-cı ildən etibarən Azərbaycanda iqtisadi sabitliyin pozulmasına gətirib çıxara bilər, əgər fundamental struktur islahatları həyata keçirilməzsə, iqtisadçı Qubad İbadoğlu son analizində xəbərdarlıq edib.
-
Azərbaycan kənd təsərrüfatı sektorunu şaxələndirmək istiqamətində addım ataraq ölkənin ilk kommersiya məqsədli banan istehsalına start verib. Yerli istehsalçı Fruitland tropik meyvələri daxili bazara təqdim edir.
-
Azərbaycan, Gürcüstan, Türkiyə və Bolqarıstan yaşıl enerjinin ötürülməsi sahəsində qarşılıqlı anlaşma memorandumu layihəsinin mətnini razılaşdırıblar. Bu, regionda dayanıqlı enerji əlaqələrinin inkişafında mühüm addım kimi qiymətləndirilir. Sənəd ölkələr arasında enerji mübadiləsini genişləndirmək və Yaşıl Enerji Dəhlizi layihəsi üçün hüquqi baza yaratmaq məqsədini daşıyır.
-
Azərbaycanın əmək bazarı genişlənməkdə davam edir. Dövlət Statistika Komitəsinin ilkin məlumatlarına görə, 2025-ci ilin yanvar ayının əvvəlində ölkə iqtisadiyyatında çalışanların ümumi sayı 1,78 milyon nəfərə çatıb. Məlumatlar göstərir ki, 882,800 nəfər dövlət sektorunda, 895,700 nəfər isə qeyri-dövlət sektorunda çalışır.
Rəy yaz