Bu ilin birinci rübündə Azərbaycanda xarici ticarət dövriyyəsi $8 556 mln. təşkil edib ki, bu da əvvəlki ildə olduğundan 8,3% çoxdur. Xarici ticarət balansının müsbət saldosu $4 134,6 mln. təşkil edib.
Dövlət Statistika Komitəsinin məlumatına görə, bu ilin yanvar-mart aylarında Azərbaycandan ümumi məbləği $6 345 mln. həcmində mal ixrac edilib. Bu 2012-ci ilin müvafiq dövrü ilə müqayisədə 8,65% çoxdur. Aİ ölkələrinin payına ixracın 47%-i (təxminən $3 mlrd.) düşür. İxrac portfelində dövlət sektorunun xüsusi çəkisi 94,7% (təxminən $6 mlrd.) təşkil edir. İxracın əsas hissəsini (92,7%) enerji resursları təşkil edir.
Sözügedən müddətdə ölkəyə ümumi məbləği $2,2 mlrd. həcmində mal göndərilib ki, bu da 2012-ci ilin yanvar-mart aylarında olduğundan 7,6% çoxdur. Aİ ölkələrindən mal idxalı $618 mln. və ya idxalın 28%-ni təşkil edib. Dövlət sektorunun payına idxalın 28%-i düşüb.
Bu il Azərbaycan dünyanın 124 ölkəsi ilə ticarət əlaqələrinə malik olub. 961 adda mal ixrac edilib, 3 432 adda mal idxal olunub. İdxal-ixrac əməliyyatları ilə 3248 sahibkarlıq subyekti məşğuldur. Onlardan 2,3 mindən çoxu hüquqi şəxsdir ki, bunun da 176-ı dövlət sektoruna aiddir.08D
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz