Xarici ticarət dövriyyəsinin rəsmi azalması sürətlənir

Bu ilin 11 ayında Azərbaycanın xarici ticarət dövriyyəsi $28,8 mlrd olub. Bu, 2013-cü ilin eyni dövründəkindən 9,1% azdır. Xarici ticarətin müsbət saldosu  $12,6 mlrd-dır. Noyabrda xarici ticarət dövriyyəsi ($2 270 mln) oktyabrla müqayisədə $408 mln azalıb. Bu, neftin ucuzlaşması ilə bağlıdır.

Azərbaycanın ixracatının 84,7%-i neftin payına düşür. İllik hesablamada onun ixracı $1 mlrd 9 mln azalıb, deyə Gömrük Komitəsinin hesabatında bildirilir.

İlin əvvəlindən Azərbaycan 147 ölkə ilə ticari əlaqədə olub. Azərbaycanın mal ixracı həcmi ($20  mlrd 713 mln) 5,8% azalıb. 

Mal idxalı həcmi 16,6% azalaraq $8 mlrd 112 mln olub. İdxalın 26,2%-i dövlət sektorunun payına düşür.

Müstəqil ekspertlər 15 əsas ticari tərəfdaşla idxalın müqayisəli statistikasına əsaslanıb real xarici ticarət dövriyyəsinin daha  yüksək olduğunu bildirir. Qubad İbadoğluya görə, 2013-cü ildə 15 ölkədən idxal həcmi $12 mlrd 393 mln olub, halbuki Gömrük Komitəsi bu göstəricini $7 mlrd 431 mln kimi sənədləşdirib    

İdxalın mənfi dinamikasına baxmayaraq, DGK gömrük rüsumu və vergisi planını ödəyəcək. İlin əvvəlindən DGK xətti ilə dövlət büdcəsinə 1 mlrd 378 mln manat köçürüb. Dekabrda 132 mln manat yığıb planı doldurmaq olar. 08D