Bu ilin 10 ayı ərzində Azərbaycanın dünyanın 158 ölkəsi ilə xarici ticarət əməliyyatları $17,2 mlrd. təşkil edib ki, bu da 2014-cü ilin müvafiq dövrü ilə müqayisədə 35,2% azdır. Əmtəə ixracı iki dəfə azalıb. Bu barədə bu gün Dövlət Gömrük Komitəsi bildirib.
İlin əvvəlindən $9 765 mln. ixrac edilib ki, bu da ötən ilin yanvar-oktyabr aylarında olduğundan 49,1% azdır. İxracın 88,7%-i dövlət sektorunun payına düşür. Azərbaycandan əmtəə ixracında MDB ölkələrinin xüsusi çəkisi cəmi 4,1% ($407,1 mln.) təşkil edir. Eyni zamanda karbohidrogen xammalı (neft, neft məhsulları və təbii qaz) Azərbaycandan əmtəə ixracında dəyər ifadəsində 80,2% pay təşkil edir.
Ötən dövrdə əmtəə idxalının həcmi 1% artaraq $7 mlrd. 441 mln.-a çatıb. İdxal edilən malların 17,2%-i dövlət müəssisələrinin payına düşüb. Ümumi məbləği $109,5 mln. həcmində neft məhsulları ixrac edilib ki, bu da 2014-cü ilin həmin dövrü ilə müqayisədə 57,3% azdır.
İdxalın artımına baxmayaraq, Azərbaycanda xarici ticarət dövriyyəsinin saldosu əvvəlkitək müsbət olaraq qalır (+$2 mlrd. 324 mln.).
Bəzi ekspertlər ehtimal edirlər ki, xam neftin indiki qiyməti qalarsa 2016-cı ilin birinci yarısında Azərbaycanda xarici ticarət dövriyyəsinin saldosu mənfi ola bilər.--08D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz