Nazirlər Kabineti 2012-ci il 9 mart tarixində Bakı şəhəri, Yasamal rayonu, S.Tağızadə küçəsi, 59 ünvanındakı binada baş vermiş yanğın hadisəsi ilə bağlı göstərilən ünvanda yaşamış sakinlərə 115 000 manat ayırıb. Mənzil sahibləri 7 aydan sonra Yasamal Rayon İcra Hakimiyyəti vasitəsi ilə 5 mindən 35 min manata qədər vəsait alıblar.
Hökumətin sərəncamı Yasamal Rayon İcra Hakimiyyətinin və göstərilən ünvanda yaşamış sakinlərin müraciətləri nəzərə alınaraq əsaslandırılıb. Vəsait 2012-ci il üçün dövlət büdcəsinin ehtiyat fondundan ayrılıb. Sənəd “Dövlət büdcəsinin Ehtiyat Fondunun vəsaitindən istifadə Qaydaları” ilə əsaslandırılıb. Qaydaların 4-cü bəndində deyilir ki, Ehtiyat Fondunun vəsaiti əsaslandırılmış təkliflər əsasında verilir. 2011-ci ilin dekabrından Azərbaycanda «İcbari sığorta haqqında» qanun qüvvədədir. Ona əsasən, mənzillər icbari şəkildə sığortalanmalıdır. Ona görə hökumətin qərarı humanitar kimi qiymətləndirilməlidir. 08D
İqtisadiyyat
-
Azərbaycanın dövlət enerji şirkəti "Azərenerji", SOCAR Trading və İtaliyanın Ansaldo Energia şirkəti karbon kreditləri üzrə üçtərəfli razılaşma imzalayıblar, çümə günü "Azərenerji" məlumat verib.
-
SOCAR-UNIPER birgə müəssisəsi COP 29 tədbirləri çərçivəsində cümə günü "Etilen-Polietilen" zavodunda 65 MVt gücündə buxar generatorunu istifadəyə verdi. Layihə enerji səmərəliliyinin artırılmasına yönəlib və Azərbaycanın kimya sənayesində SOCAR və UNIPER-in birgə səylərinin əhəmiyyətli bir mərhələsidir.
-
Fransanın enerji nəhəngi TotalEnergies Azərbaycan Respublikasının Naxçıvan Muxtar Respublikasında günəş və külək elektrik stansiyaları layihələrində iştirak etməyi nəzərdən keçirir. Bu imkan 15 noyabrda Bakıda TotalEnergies şirkətinin baş direktoru Patrik Puyannenin Azərbaycan hökumət nümayəndələri ilə apardığı danışıqlarda müzakirə edilib.
-
Azərbaycan Energetika Nazirliyi, China Energy Overseas Investment Co. Ltd. və SOCAR Green MMC Fizuli rayonunda 160 meqavatlıq günəş enerjisi layihəsinin həyata keçirilməsi üçün müqavilə imzalayıb. Bu barədə İqtisadiyyat Naziri Mikayıl Cabbarov çərşənbə günü sosial şəbəkələrdə məlumat verib.
Rəy yaz