Qiymətli kağızlara dair qanunvericilik Aİ qanunvericiliyinə uyğunlaşdırılır

Bu gün Bakıda «Azərbaycan Respublikasının qiymətli kağızlar bazarı üzrə qanunvericiliyinin Avropa İttifaqının qanunvericiliyinə uyğunlaşdırılması və Qiymətli Kağızlar üzrə Dövlət Komitəsinin institusional inkişafı» layihəsinin təqdimat mərasimi keçirilib. Layihə Aİ tərəfindən maliyyələşdirilir və Polşa Maliyyə Nəzarəti Agentliyi tərəfindən həyata keçiriləcək. 

Mərasimdə çıxış edən QKDK sədri Rüfət Aslanlı qeyd edib ki, bu layihə “2011-2020-ci illərdə qiymətli kağızlar bazarının inkişafı” Dövlət Proqramın uğurlu reallaşdırılmasına yardım edəcək. O əminliklə qeyd edib ki, bu layihənin dəstəyi ilə qiymətli kağızlar bazarının hüquqi-normativ bazası proqressiv yeniliklərin hesabına təkmilləşdiriləcək.

Aİ-nın Azərbaycandakı müvəqqəti işlər vəkili Toralf  Pilz bildirib ki, Avropa İttifaqının qanunvericiliyinin təkmilləşdirilməsi ilə bağlı köməyi ölkədə sivil qiymətli kağızlar bazarının formalaşması sahəsində islahatlara yardım edəcək. Polşanın Maliyyə Nəzarəti Agentliyinin nümayəndəsi Damian Yavorski əmin olduğunu bildirib ki, bu layihə Azərbaycanda kapital bazarının inkişafına stimul olacaq. 

Azərbaycanda qiymətli kağızlar bazarına dair qanunvericiliyin təkmilləşdirilməsinə dair planlaşdırılan işlərlə bağlı təqdimatla layihənin rəhbəri İlona Pyeçiynska-Çernı çıxış edib. 

Layihənin məqsədi yerli qanunvericiliyini institusional, hüquqi və tənzimləyici çərçivələrinin Aİ standartlarına uyğunlaşdırılması, həmçinin bazar iştirakçılarının məlumatlılığının artırılmasına dəstəkdir. Aİ onun reallaşdırılmasına 1 mln. avro ayırıb. 

Qanunun yaradılması və QKDK-in dəstəklənməsindən əlavə layihə çərçivəsində bazar iştirakçıları üçün qiymətli kağızlar bazarına dair yeni tələblərin riayət olunması ilə bağlı treninqlər keçiriləcək. 08C