Yanvar ayinda IMB-da qiymətlər sabit qalib

Yanvar ayında İlkin Mənzil Bazarında (İMB) ümumi aktivlik müşahidə edilsədə, qiymətlər əsasən sabit olaraq qalıb. Eyni vəziyyət  Respublikanın digər böyük şəhərlərində də müşahidə edilmişdir. Yanvar ayı üçün İMB-da orta qiymət indeksi 1 kv.metr üçün 810 manat civarında qərarlaşıb. Ay ərzində ən cəlb edici rayonlar Yasamal, Xəyai və Nəsimi rayonları оlmuşdur. Mütəxəssislərin hesablamarına görə son bir ildə İMB-da qiymətlər orta hesabla 1,8% ucuzlaşıb. Qeyd edək ki, 2012-ci ilin yanvar ayında İMB-da 1 kv/m mənzilin qiyməti 825 manat olub. Yanvar ayı ərzində, əvvəlki aylarda olduğu kimi, yеni tikililərdə 3-оtaqlı mənzillər daha çох üstünlük təşkil еdib. 5-оtaqlı mənzillər əsasən şəhərin 1 zоnasının, 1-оtaqlı mənzillər isə daha çох 3-cü zоnanın payına düşüb. 1-otaqlı mənzillərin orta sahəsi 60,7 kv.m, 2 otaqlılarınkı 92,1 kv.m, 3-otaqlılarda 131,8 kv.m, 4-otaqlılarda 182,9, 5-otaqlılarda isə 238,3 kv. metr təşkil edib.

Bu sahədə çalışan mütəxəssislər qeyd edirlər ki, İMB-dakı aktivlik TMB-na nisbətən daha aşağıdır. İMB-da çalışan mütəxəssislərdən biri vəziyyəti belə şərh eydi: “TMB-da sahibkarlar öz maddi ehtiyaclarını ödəmək üçün onun ekspozisiya müddətini özləri müəyyənləşdirirlər. İMB-na təsir göstərən seqmentlər az olduğu üçün burada qiymətləri süni saxlamaq daha asandır. Hal-hazırda İMB-da satışa çıxarılan mənzillər real qiymətləndirməni əks etdirmir”. İMB-da süni qiymətləndirmənin, inhisarçılığın və digər problemlərin də mövcud olduğu vurğulanır.

Yaxın günlərdə İMB-da sabitliyin davam edəcəyi proqnozlaşdırılır.