![Yanvar ayinda təkrar mənzil bazarinda qiymətlər 2,5% artib](https://turan.az/resized/750/500/resize/media/2013/main/021200028191.jpg)
Yanvar ayinda təkrar mənzil bazarinda qiymətlər 2,5% artib
Yanvar ayında Təkrar Mənzil Bazarında (TMB) qiymətlər orta hesabla -2,5% artıb. Mütəxəssislərin hesablamalarına görə hal-hazırda TMB-da orta qiymət indeksi təxminən 1kv/m üçün-1045 ABŞ dollarından daha yuxarıdır. Son bir ayda ötən aylara nisbətən bazardakı aktivliyin artması və bağlanan əqdlərin dinamikasında da artım halları müşahidə edilmişdir. Yanvar ayında aktivlik əmsalına görə ən cəlbedici rayonlar ötən ayda olduğu kimi, Yasamal, Nəsimi, Nərimanov və Xətai rayonları olmuş və bu 4 rayonun ümumi təklif portfelindəki payı 75%-dən yuxarı olub. Təklif portfelinin böyük hissəsinin bu 4 rayonun hesabına formalaşmasının əsas səbəbi, həmin rayonlar üzrə yeni tikililərin təkrar bazara daha çox daxil olması və eləcədə ipoteka kreditləşməsi üçün əlverişli olması hesab olunur. Yanvar ayında 4 və 5 otaqlı mənzillərin təklif üzrə payında azalma müşahidə edilib, 1, 2 və 3 otaqlı mənzillərin təklif üzrə payında isə artım müşahidə olunub. Ən çox artım isə 2 otaqlı mənzillərdə qeydə alınıb. Bazarda mənzillərin 1 kv.m-nin orta qiymətindən (1045 ABŞ dolları) yuxarı olan mənzillər ümumi portfeldə daha çox paya, yəni 53,3%-ə malikdir.
Ekspertlər son bir neçə ayda qiymətlərin sürətlə bahalaşmasını əsasən ipoteka kreditləşməsi, qış aylarında rusiyada işləyən həmyerlilərimizin bu seqmentə daha çox pul yatırmaları və eləcədə evləri plana düşmüş insanlara yeni mənzillər almaq üçün kompensasiyaların verilməsi ilə əlaqələndirirlər. Ölkədə maliyyə vəziyyətinin ötən illərə nisbətən yaxşılaşması və eləcədə bankların asan kreditləşmə siyasətini həyata keçirməsidə TMB-da aktivliyin artmasına təkan verir. Bu sahədə çalışan mütəxəssislərdən biri son bir neçə ayda TMB-da qiymətlərin bahalaşması ilə bağlı öz fikrini belə ifadə etdi “ Son bir neçə ayda TMB-da qiymətlər çox sürətlə artmaqdadır, əlbəttəki bunu tək ipoteka kreditləşməsi ilə əlaqələndirmək olmaz. Qiymət artımı bu səviyyədə davam edərsə, qiymətlərin yenidən rekord həddə çatması istisna olunmur”. Yaxın günlərdə bazardakı aktivliyin davam edəcəyi, qiymətlərin isə yenidən bahalaşacağı proqnozlaşdırılır.
Yanvar ayında Respublikanın digər iri şəhərlərinin TMB-da aktivliyin artması ilə yanaşı, qiymətlərdədə nisbi artım müşahidə edilmişdir.
-
- Siyasət
- 12 Fevral 2013 18:31
-
- Bazarların icmalı
- 13 Fevral 2013 07:14
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz