Yanvar-sentyabrda Azərbaycan əvvəllər cəlb edilən kreditlər üzrə $1,6 mlrd ödəyib

Azərbaycanın təsərrüfat subyektləri bu ilin 9 ayında $1776 mln həcmində xarici kapital cəlb ediblər. Bu, 2011-ci ilin müvafiq dövründəkindən 30,6% çoxdur.

Ölkənin tədiyə balansının məlumatına görə, birbaşa xarici investisiyalar $864,3 mln və ya 27,8% azalaraq $3973,7 mln olub. Qeyri-neft sektorunda birbaşa xarici investisiyalar $146 mln və ya 20,8% artaraq və $846 mln təşkil edib. 

Milli iqtisadiyyata daxil olan kredit və başqa investisiya həcmi 35% artıb. Dövlət zəmanətli xarici kredit həcmi 8,1% artaraq $805 mln, zəmanətsiz kreditlər 9,2% azalaraq $1363 mln olub. Qeyri-neft sektorunda belə kreditlər 14,2% artıb və $1251,8 mln olub.

Qeyri-neft sektorunda zəmanətsiz kreditlərin böyük hissəsi banklar tərəfindən $1102,4 mln həcmində cəlb edilib. Bu, 2011-ci ilin müvafiq dövründəkindən 77% çoxdur.

Başqa investisiyalar 3,3 dəfə artaraq $1444,2 mln-a çatıb. Hesabat dövründə ölkə $2 mln bonus alıb. 

Üç rübdə ölkə əvvəllər cəlb edilən kreditlər üzrə $1638,5 mln borc ödəyib. Bundan 46,3%-i ($758,4 mln) banklar, 13,6%-i ($223,4 mln) dövlət zəmanətli kreditlər üzrə, 28,5%-i ($446,3 mln) neft-qaz sektoru üzrə və 11,6% ($190,4 mln) başqa müəssisələr tərəfindən ödənilib. --15B--