![Əkinçilik və heyvandarlığın sağlamlaşması üçün kompleks yanaşma lazımdır](https://turan.az/resized/media/2012/main/121400021539-750-500-resize.webp)
Əkinçilik və heyvandarlığın sağlamlaşması üçün kompleks yanaşma lazımdır
Azərbaycanda kənd təsərrüfatı yerlərindən təyinatı üzrə istifadə edilmir, əhali qanun pozanlara qarşı təsir mexanizminə malik deyil.
İqtisadi Tədqiqatlar Mərkəzinin «Torpaqların deqradasiyasında təbii və antropogen amillər: maarifçilik və ictimai nəzarət» layihəsinin yekun təqdimatında bildirilir ki, fermer və başqa əkinçilər seminar və təlimlərə tez-tez cəlb edilməlidir.
Layihənin əlaqələndiricisi Qalib Toğrulun sözlərinə görə, Kənd Təsərrüfatı Nazirliyi, Ekologiya Nazirliyi, Torpaq və Xəritəçəkmə Komitəsi və “Meliorasiya və Su Təsərrüfatı” MMC-nin təmsilçilərinin iştirakı ilə 2 belə tədbir Kürdəmir və Göyçayda keçirilib.
Bu gün 3 mln 470 min 823 ha eroziyaya uğrayıb, 565 511 ha şoranlaşıb, 30 min ha mədən işləri ilə bağlı yararsız hala düşüb. Ekspert hesab edir ki, bu vəziyyət 2008-15-ci illərdə əhalinin ərzaqla təminatı üzrə Dövlət Proqramına ziddir. Sənəd 209,1 ha sahə üçün drenaj kollektoru tikintisi, 83 min ha şoran torpağın yuyulması, 62,8 min ha sahənin düzəldilməsi, 1265 min 386 ha sahədə meliorasiya işlərini nəzərdə tutur.
«İslahat nəticəsində torpaq kəndlilərə verilib, amma zəif suvarma bazası üzündən ondan tam istifadə edilmir. İntensiv heyvandarlıq yerlərində iri buynuzlu mal-qara torpağı sıradan çıxarır.
Otaracaqların və eroziyaya, deqradasiyaya şoranlaşmaya məruz qalmış məhsuldar torpaqların rekultivasiyası uzun prosesdir, maraqlı dövlət strukturlarının nəzarətini tələb edir.
Təqdimatda tövsiyələr də verilib. Şumluq torpaqlar istifadəçilər və real icarəçilərə verilməlidir. Torpağın dəqiq analizi üçün laboratoriya və avadanlıqlar lazımdır. Yol kənarlarında və eroziyaya uğrayan ərazilərdə ağac əkilməsi üçün büdcədən vəsait ayrılmalıdır. Melirativ işlər görüləcək torpaqların xəritəsi hazırlanmalıdır. Torpaqların rekultivasiyası və təmizlənməsi üçün xüsusi proqram hazırlanmalıdır. Az məhsul verən heyvanların cins heyvanlarla əvəzlənməsi üçün proqram həyata keçirilməlidir.
Görüşlərdə elektron KİV-də genişmiqyaslı maarifləndirici aksiyaların keçirilməsi, yararsız torpaqların rekultivasiyası ideyasının əhaliyə çatdırılmasının vacibliyi vurğulanıb. –17D—
-
- İqtisadiyyat
- 14 Dekabr 2012 16:57
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz